ភ្នំពេញ៖ លោកជំទាវ ឱ វណ្ណឌីន អ្នកនាំពាក្យក្រសួងសុខាភិបាលប្រកាសអំពាវនាវដល់អ្នកប៉ះពាល់ផ្ទាល់ជាមួយជនជាតិនីហ្សេរីយ៉ាដែលកើតជំងឺអុតស្វា សូមដាក់ខ្លួនឲ្យនៅដាច់ដោយឡែក និងស្វែងរកការពិនិត្យសុខភាព។

គួរបញ្ជាក់ថា សមត្ថកិច្ចបានឃាត់ខ្លួនជនជាតិនីហ្សេរីយ៉ារូបនោះ នៅត្រង់ចំណុចផ្ទះសំណាក់ពណ៌មាស ផ្លូវ៤៣០កែងផ្លូវ ៤៨០ ក្បែររង្វង់មូលផ្សារដើមថ្កូវ សង្កាត់ទូលទំពូង២ ខណ្ឌចំការមន រាជធានីភ្នំពេញ នៅយប់ថ្ងៃទី២៣ ខែកក្កដានេះ។ 

លោក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញបានថ្លែងឲ្យដឹងថា ជនជាតិនីហ្សេរីយ៉ា ដែលកើតជំងឺអុតស្វា ហើយសមត្ថកិច្ចរាជធានីភ្នំពេញបានធ្វើការឃាត់ខ្លួន បានបញ្ជូនទៅកាន់មន្ទីរពេទ្យរុស្ស៊ីហើយ៕