​​អ៊ុយ​ក្រែ​ន៖ ប្រធានាធិបតី​អ៊ុយ​ក្រែ​ន​លោក Volodymyr Zelensky បាន​និយាយ​ថា កងកម្លាំង​របស់​លោក​កំពុង​វាយ​រុល​ទៅ​មុខ​សន្សឹម​ៗ​ចូល​ទៅ​ក្នុង​តំបន់ Kherson​ ភាគ​ខាង​ត្បូង​ដែល​កងទ័ព​រុស្ស៊ី​កាន់កាប់​។ ​

​មន្ត្រី​អ៊ុយ​ក្រែ​ន​ម្នាក់​បាន​និយាយ​កាលពី​ថ្ងៃអាទិត្យ​ថា តំបន់ Kherson ភាគ​ខាង​ត្បូង​របស់​ប្រទេស​នេះ​ដែល​បាន​ធ្លាក់​ចូល​ក្នុង​ដៃ​កងទ័ព​រុស្ស៊ី ​ក្នុង​ការ​វាយលុក​ដំបូង​របស់​ពួកគេ​កាលពី​ចុងខែ​កុម្ភៈ នឹង​ត្រូវ​បាន​ដណ្តើម​យក​មកវិញ​ដោយ​កងកម្លាំង​របស់​ទីក្រុង Kyiv នៅ​ត្រឹម​ខែ​កញ្ញា​ខាងមុខនេះ​។ លោក Serhiy Khlan មនុស្ស​ជំនិត​របស់​អភិបាល​តំបន់ Kherson បាន​និយាយ​នៅ​ក្នុង​បទសម្ភាសន៍​ជាមួយ​ទូរទស្សន៍​អ៊ុយ​ក្រែ​ន​ថា "​យើង​អាច​និយាយ​បាន​ថា តំបន់ Kherson ប្រាកដជា​នឹង​ត្រូវ​រំដោះ​យក​បាន​នៅ​ត្រឹម​ខែ​កញ្ញា ហើយ​ផែនការ​របស់​អ្នកកាន់កាប់​ទាំងអស់​នឹង​បរាជ័យ​"។​

​កងទ័ព​អ៊ុយ​ក្រែ​ន​ដែល​ត្រូវ​បាន​ជួយ​ជ្រោមជ្រែង​ ដោយ​ការ​ផ្ដល់​ការ​ផ្គត់ផ្គង់​កាំភ្លើង​ធំ​រយៈ​ចម្ងាយ​ឆ្ងាយ​ពី​បណ្ដា​សម្ព័ន្ធមិត្ត​លោក​ខាង​លិច បាន​នឹង​កំពុង​វាយ​ដណ្តើម​យក​ដែនដី​មក​ដី​វិញ​នៅ​ក្នុង​តំបន់ Kherson ភាគខាងត្បូង​ក្នុង​ប៉ុន្មាន​សប្តាហ៍​ថ្មីៗ​នេះ​។ ​លោក Khlan បាន​និយាយថា "​យើង​អាច​និយាយបានថា ចំណុច​ប្រែប្រួល​មួយ​បាន​កើតឡើង​នៅលើ​សមរភូមិ​។ យើង​ឃើញថា ​កងកម្លាំងប្រដាប់អាវុធ​របស់​អ៊ុយ​ក្រែ​ន​កំពុង​មាន​ជ័យជម្នះ​ នៅ​ក្នុង​ប្រតិបត្តិការ​យោធា​ថ្មីៗ​បំផុត​របស់​ពួកគេ​៕

អត្ថបទ៖ សុខមាន