ភ្នំពេញ៖ សហភាពសហព័ន្ធយុវជនកម្ពុជាខេត្តស្វាយរៀង បានប្រកាសបើកកម្មវិធីល្ខោនខ្មែរ រដូវកាលទី១ និងប្រកាសបើកទទួលពាក្យចូលរួមប្រកួតហើយ សម្រាប់បេក្ខជនទាំង២៥រាជធានី-ខេត្តទូទាំងប្រទេស ដែលមានចំណាប់អារម្មណ៍ចូលរួមប្រកួត ជាមួយលក្ខន្តិកៈងាយស្រួល ដែលមានគណៈកម្មការសុទ្ធសឹងជាកំពូលសិល្បករ សិល្បការិនីរបាំបុរាណ និងព្រឹទ្ធាចារ្យមានបទពិសោធន៍យូរឆ្នាំលើវិស័យសិល្បៈ។

កម្មវិធីល្ខោនខ្មែរ រដូវកាលទី១នេះ បេក្ខជនដែលមានបំណងចូលរួមប្រកួតប្រជែង អាចបំពេញ​បែបបទប្រកួត ដោយភ្ជាប់ជាមួយថវិកាត្រឹម ១០.០០០រៀល (មួយម៉ឺន) និងវីដេអូ សម្តែងទម្រង់​សិល្បៈបុរាណ​ខ្មែរណាមួយ យ៉ាងតិចរយៈពេល ៥នាទី ​ផ្ញើមកកាន់ទំព័រ Facebook របស់​សហភាពសហព័ន្ធយុវជនកម្ពុជា ខេត្តស្វាយរៀង ឬតេឡេក្រាម 099 914 121 ដែលមាន​ឈ្មោះ«ល្ខោនខ្មែរ UYFC» ​ដោយការទទួលពាក្យ និងវីដេអូ ​ចាប់ផ្តើមពីថ្ងៃទី២៥ ខែកក្កដា រហូតដល់ថ្ងៃទី០៨ ខែកញ្ញា ឆ្នាំ២០២២។

ជ័យលាភីលេខ១ នៅវគ្គផ្តាច់ព្រ័ត្រនៃកម្មវិធី នឹងទទួលបានរង្វាន់លើកទឹកចិត្តជាទឹកប្រាក់ចំនួន ១២លានរៀល, ជ័យលាភីលេខ២ ទទួលបានទឹកប្រាក់ ៨លានរៀល និងលេខ ៣ ទទួលបានទឹក​ប្រាក់ចំនួន ៤លានរៀល៕