ភ្នំពេញ៖ ឧត្តមសេនីយ៍ឯក គង់ មុនី មេបញ្ជាការរង និងជានាយសេនាធិការកងទ័ពជើងអាកាស បានលើកឡើងថា ទោះប្រទេសកម្ពុជា កំពុងមានសុខសន្តិភាព ប៉ុន្តែនៅបន្តបំប៉នអប់រំចិត្តសាស្ត្រ​ដល់​បណ្ដាកងទ័ព ដើម្បី អនុវត្តការងារដោយឥតងាករេ ។

ក្នុងពិធីបិទវគ្គបំប៉នគ្រូបង្គោលអប់រំចិត្តសាស្ត្រ និងខ្សែរយៈជំនាញការិយាល័យទី៥ ប្រចាំឆ្នាំ ២០២២ នាបញ្ជាការដ្ឋានកងទ័ពជើងអាកាស នៅថ្ងៃទី២៩ ខែកក្កដា នេះ ឧត្តមសេនីយ៍ឯក គង់ មុនី បាន​បញ្ជាក់ថា ការអប់រំចិត្តសាស្ត្រ គឺមានសារសំខាន់ណាស់សម្រាប់កងទ័ព មិនថាស្ថិតក្នុងកង​កម្លាំងណា នោះទេត្រូវតែបណ្ដុះបណ្ដាលបំប៉នជានិច្ច ដើម្បីឲ្យពួកគេមានភាពស្មោះត្រង់​ចំពោះ​ប្រទេសជាតិ ។

ឧត្តមសេនីយ៍ឯក បានបន្តថា កងទ័ព ត្រូវតែមានឆន្ទៈស្រួចស្រាវ ក្នុងការប្រយុទ្ធ ទោះជាក្នុងពេល មានសង្គ្រាមក៏ដោយ និងក្នុងពេលមានសន្តិភាព គឺត្រូវមានភាពច្បាស់លាស់ ក្នុងការការពារ​បូរណភាព ដែនដីដែលនេះជាការកំណត់ជោគវាសនារបស់ជ័យជម្នះនៃប្រទេសជាតិ ។

ឧត្តមសេនីយ៍ឯក គង់ មុនី បានបន្ថែមថា ដើម្បីឆ្លើយតបទៅនឹងបរិបទនយោបាយរបស់ប្រទេស ជាតិ ​និងពិភពលោក​ ដែលមានការវិវឌ្ឍឥតឈប់ឈរ ​ទាំងវិជ្ជមាន និងអវិជ្ជមាន តម្រូវគ្រូបង្គោល​ចិត្ត សាស្ត្ររបស់បញ្ជាការដ្ឋានកងទ័ពជើងអាកាស ​ត្រូវយកចិត្តទុកដាក់ឲ្យបានខ្លាំងក្លា ធ្វើការ​ស្រាវជ្រាវ​បន្ថែម​ឲ្យបានស៊ីជម្រៅ ​និងរស់រវើក​ ចាត់តាំងផ្សព្វផ្សាយឲ្យបានជាបន្ទាន់នូវរាល់ឯកសារ ដែលទាក់ទងទៅ នឹងសភាពការណ៍ជាក់ស្ដែង ​ដោយចាត់ទុកជាអាទិភាព ​ពិសេសរាល់ឯកសារ ដែលពាក់ព័ន្ធ​នឹងព្រឹត្តិការណ៍ សំខាន់ៗ ដែលកំពុងកើត ​ហៀបនឹងកើត ឬអាចនឹងកើតឡើង​នៅពេលខាងមុខ ។

មេបញ្ជាការរងកងទ័ពជើងអាកាស បានសង្កត់ធ្ងន់ថា គ្រូបង្គោល ​ត្រូវយកចិត្តទុកដាក់ពង្រឹងរចនា សម្ព័ន្ធចាត់តាំង​ខ្សែរយៈជំនាញអប់រំចិត្តសាស្ត្រ​ ផ្សព្វផ្សាយរៀនសូត្រ ​តាមគ្រប់រូបភាព គ្រប់វិធី​សាស្ត្រ និង ឲ្យបានជាប្រចាំ តាមដានឲ្យបានជាប់ជាប្រចាំនូវការប្រែប្រួលផ្នែក​សតិអារម្មណ៍​របស់កងទ័ព ​និងសហការ ដោះស្រាយរាល់ភាពអវិជ្ជមានឲ្យបានទាន់ពេលវេលា​ មិនត្រូវអត់ឱនក្រុម ឬបក្សណាមានបំណង់ចង់ផ្ដួល​ រំលំរាជរដ្ឋាភិបាលស្របច្បាប់ ​មានសាមគ្គីផ្ទៃក្នុង និងត្រូវយកចិត្តទុក​ដាក់ដាស់តឿន​មន្ត្រីក្រោមឱវាទ ។

វគ្គបំប៉នគ្រូបង្គោលអប់រំចិត្តសាស្ត្រ ​និងខ្សែរយៈជំនាញការិយាល័យទី៥ ប្រចាំឆ្នាំ២០២២ នាបញ្ជា ការដ្ឋាន​កងទ័ពជើងអាកាស មានរយៈពេល៥ថ្ងៃ ​គឺចាប់ពីថ្ងៃទី២៥ ដល់ទី២៩ ខែកក្កដា ​នេះ ដែលមានគ្រូ បង្គោល និងខ្សែរយៈជំនាញអប់រំចិត្តសាស្ត្រ ​ចំនួន៦៨នាក់ នាយសេនាធិការរង ស្នងការរង ថ្នាក់ដឹកនាំស្ថា ប័ន និងនាយទាហានជាន់ខ្ពស់ ចំនួន៩៨នាក់ ចូលរួមវគ្គនេះ ៕ អត្ថបទ៖ បាន សុខរិទ្ធិ