​រុស្ស៊ី៖ ប្រធានាធិបតី​រុស្ស៊ី​លោក Vladimir Putin បាន​និយាយ​នៅ​ក្នុង​ជំនួប​ជាមួយ​ឧបនាយករដ្ឋមន្ត្រី​លោក Marat Khusnullin កាលពី​ថ្ងៃ​សុក្រ​ថា ប្រតិបត្តិការ​សឹក​ពិសេស​របស់​រុស្ស៊ី​នៅ​អ៊ុយ​ក្រែ​ន​ ត្រូវ​បាន​ផ្សារភ្ជាប់​ទៅ​នឹង​ការ​លំបាក​ខ្លាំង​សម្រាប់​ប្រជាជន​ដែល​រស់នៅ​ទីនោះ​។

លោក ​Putin បាន​ស្នើ​ឱ្យ​លោក Khusnullin ធ្វើការ​ដើម្បី​ស្ដារ​ឡើង​វិញ​ហេដ្ឋារចនាសម្ព័ន្ធ​សង្គម និង​តំបន់​លំនៅឋាន​ប្រជាជន​នៅ​សាធារណៈរដ្ឋ​ប្រជាមានិត Donetsk និង Luhansk។​ លោក ​Putin និយាយ​ថា​ វា​ជា​រដូវក្តៅ​ខ្លាំង​ពេលនេះ ប៉ុន្តែ​រដូវរងា​ជិត​មកដល់​ហើយ ហើយ​ប្រជាជន​នឹង​តែ​ចំណាយ​ពេល​ក្នុង​រដូវរងា​ក្នុង​លក្ខខណ្ឌ​ធម្មតា និង​មនុស្សធម៌​។​ លោក Putin បាន​បញ្ជា​ឱ្យ​សាងសង់​មន្ទីរពេទ្យ​នៅ​ទីក្រុង Mariupol និង​មជ្ឈមណ្ឌល​សម្ភព​នៅ​ទីក្រុង Donetsk។ ប្រធានាធិបតី​រុស្ស៊ី​និយាយ​ថា មេដឹកនាំ​សាធារណរដ្ឋ​ប្រជាមានិត Donetsk បាន​ស្នើ​សុំ​ជំនួយ​ដើម្បី​សាងសង់​មជ្ឈមណ្ឌល​វេជ្ជសាស្ត្រ​ពហុ​គោលបំណង​នៅ​ទីក្រុង Mariupol និង​មជ្ឈមណ្ឌល​សម្ភព​ក្នុង​ទីក្រុង Donetsk ដែល​មន្ទីរពេទ្យ​សម្ភព​នៅ​ទីក្រុង​នេះ​មាន​ភាព​ទ្រុឌទ្រោម ហើយ​វា​ត្រូវ​បាន​បំផ្លាញ​ក្នុង​ពេល​មាន​ជម្លោះ​៕

អត្ថបទ៖ ប៊ុនថន