ភ្នំពេញ៖ ថ្នាក់ដឹកនាំ នៃគណៈកម្មាធិការប្រតិបត្តិ ព្រមទាំងសមាជិក សមាជិកា នៃសម្ពន្ធ​យុវជន​ស្រឡាញ់​សន្តិភាពទូទាំងប្រទេស បាន​តាមដានយ៉ាងយកចិត្តទុកដាក់ និងសូមប្រកាស​គាំ​ទ្រ​យ៉ាង​ពេញ​ទំហឹងចំពោះការធ្វើវិសោធនកម្មរដ្ឋធម្មនុញ្ញលើកទី១០ នូវ មាត្រា​១៩ថ្មី​(មួយ) មាត្រា​៨៩ មាត្រា៩៨​ថ្មី មាត្រា១០២ថ្មី មាត្រា១១៩ថ្មី (មួយ) និងមាត្រា១២៥ថ្មី នៃរដ្ឋធម្មនុញ្ញ នៃ​ព្រះ​រា​​ជា​​ណា​ចក្រកម្ពុជា និងមាត្រា៣ថ្មី និងមាត្រា៤ថ្មី នៃច្បាប់ធម្មនុញ្ញបន្ថែម ដោយបានយធ្វើការពិភាក្សា និងអនុម័តសេចក្ដីព្រាងវិសោធនកម្មរដ្ឋធម្មនុញ្ញលើកទី១០ ដោយ សំឡេងគាំទ្រ ១០៥ លើ១០៦សំឡេង។