ភ្នំពេញ៖ ថ្នាក់ដឹកនាំ សមាជិក សមាជិកាទាំងអស់ នៃសហភាពសហព័ន្ធយុវជនកម្ពុជា (សសយក) ប្រកាស​គាំ​ទ្រ​យ៉ាង​ពេញ​ទំហឹងចំពោះអង្គរដ្ឋសភាដែលបានសម្រេចអនុម័ត​តាម​សំឡេង​​លើសពីពីរភាគបី នៃចំនួនសមាជិករដ្ឋសភាតាំងមូល ​លើ​សេចក្ដីព្រាងច្បាប់ធម្មនុញ្ញ ស្ដីពីវិសោធនកម្ម មាត្រា​១៩ថ្មី​(មួយ) មាត្រា​៨៩ មាត្រា៩៨​ថ្មី មាត្រា១០២ថ្មី មាត្រា១១៩ថ្មី (មួយ) និងមាត្រា១២៥ថ្មី នៃរដ្ឋធម្មនុញ្ញ នៃ​ព្រះ​រា​​ជា​​ណា​ចក្រកម្ពុជា និងមាត្រា៣ថ្មី និងមាត្រា៤ថ្មី នៃច្បាប់ធម្មនុញ្ញបន្ថែម សំដៅធានានូវដំណើរការជាប្រក្រតីនៃស្ថាប័នជាតិ កាលពីសម័យប្រជុំរដ្ឋសភា លើកទី៧ នីតិកាលទី៦ នាពីថ្ងៃទី២៨ ខែកក្កដា ឆ្នាំ២០២២ កន្លងទៅ។