ភ្នំពេញ៖ ​គណៈកម្មការទី៣ នៃព្រឹទ្ធសភា យល់ឃើញថា ការធ្វើវិសោធនកម្មរដ្ឋធម្មនុញ្ញ​នៃព្រះរាជាណាចក្រកម្ពុជា លើកទី១០ នាពេលនេះ គឺពិតជាមានសារៈសំខាន់ខ្លាំងបំផុត​ ដើម្បីបម្រើដល់ឧត្ដមប្រយោជន៍ជាតិ និងស្របតាមគោលការណ៍ដែលកំណត់នៅ​ក្នុង​ច្បាប់​រដ្ឋធម្មនុញ្ញ​ក្នុងការធានាដល់ស្ថាប័នជាតិ ជាពិសេស​រាជរដ្ឋាភិបាល​មានដំណើរការប្រព្រឹត្តទៅ​ដោយ​រលូនមិនមាន​ការជាប់គាំង និងធានាបាននិរន្តរភាពនៅគ្រប់កាលៈទេសៈ។

សូមជំរាបថា ការធ្វើវិសោធនកម្មមាត្រា​១៩ថ្មី​(មួយ) មាត្រា​៨៩ មាត្រា៩៨​ថ្មី មាត្រា​១០២ថ្មី មាត្រា​​១១៩ថ្មី (មួយ) និង​មាត្រា​១២៥ថ្មី នៃរដ្ឋធម្មនុញ្ញ នៃ​ព្រះ​រា​​ជា​​ណា​ចក្រកម្ពុជា និងមាត្រា​៣ថ្មី និង​​មាត្រា​៤ថ្មី នៃ​ច្បាប់​ធម្មនុញ្ញ​បន្ថែម ដែលត្រូវ​បានរដ្ឋសភា​សម្រេច​អនុម័តទាំង​ស្រុង​ក្រោម​សំឡេង​គាំទ្រ ១០៥លើ១០៦សំឡេង ក្នុងសម័យប្រជុំពេញអង្គ កាលព្រឹកថ្ងៃទី២៨ ខែកក្កដា ឆ្នាំ២០២២ កន្លងទៅ។