ភ្នំពេញ៖ ក្រុមហ៊ុន ព្រីនស៍ រៀលអ៊ីស្ទេតគ្រុប បានចុះកិច្ចព្រមព្រៀងសហប្រតិបត្តិការជាមួយភ្នាក់ងារធានារ៉ាប់រង ដែលឈានមុខគេ ដើម្បីបង្កើតរបៀបរស់នៅដែលមានសុវត្ថិភាព និងមានភាពងាយស្រួល ក្នុងវិស័យអចលនទ្រព្យ។

ក្រុមហ៊ុន ព្រីនស៍ រៀលអ៉ីស្ទេត ដែលជាអង្គភាពមួយរបស់ក្រុមហ៊ុន ព្រីនស៍ ហូលឌីងគ្រុប នៅថ្ងៃទី០១ ខែសីហា ឆ្នាំ២០២២ បានចុះហត្ថលេខាលើអនុស្សរណៈនៃការយោគយល់គ្នា ជាមួយក្រុមហ៊ុន less Solutions ដែលជាភ្នាក់ងារធានារ៉ាប់រងឈានមុខគេ និងមានអាជ្ញាប័ណ្ណត្រឹមត្រូវ សម្រាប់ដាក់លក់ផលិតផលការធានារ៉ាប់រង ដែលផ្ដល់ដោយបណ្តាក្រុមហ៊ុនធានារ៉ាប់រងលំដាប់កំពូលនៅកម្ពុជា ដូចជាក្រុមហ៊ុន CB Insurance ដែលជាអង្គភាពមួយរបស់ក្រុមហ៊ុនព្រីនស៍ ហូលឌីងគ្រុប , ក្រុមហ៊ុន AIA Cambodia , ក្រុមហ៊ុន Prudential Cambodia និងក្រុមហ៊ុន Forte Cambodia។ល។

លទ្ធផលធានារ៉ាប់រងជាច្រើន នឹងត្រូវផ្ដល់ជូនអ្នកទិញ និងអ្នកជួលអចលនទ្រព្យ ដែលអភិវឌ្ឍដោយក្រុមហ៊ុន ព្រីនស៍ រៀលអ៉ីស្ទេត ដើម្បីបង្កើនតម្លៃក្នុងរយៈពេលវែង មានសុវត្ថិភាពបំផុត និងភាពងាយស្រួលបំផុតនៅប្រទេសកម្ពុជា ដែលធ្វើឱ្យការវិនិយោគលើអចលនទ្រព្យ ក្លាយទៅជាជម្រើសរបៀបរស់នៅ សម្រាប់អ្នកទិញក្នុងស្រុក និងអន្តរជាតិដែលកំពុងរីកចម្រើន ។

ក្រុមហ៊ុន ព្រីនស៍ រៀលអ៊ីស្ទេតគ្រុប ត្រូវបានបង្កើតឡើងនៅឆ្នាំ២០១៥ និងជាក្រុមហ៊ុនអភិវឌ្ឍ អចលនទ្រព្យឈានមុខគេ នៅប្រទេសកម្ពុជា ដោយបានបញ្ចប់ការសាងសង់ជាស្ថាពរ នូវគម្រោង ចំនួន៦ នៅរាជធានីភ្នំពេញ និងក្រុងព្រះសីហនុ ដែលមានក្រឡាផ្ទៃសំណង់សរុបជាង ២០លានម៉ែត្រការ៉េ ដោយមានដីបម្រុងជាង ១២លានម៉ែត្រការ៉េ នៅទូទាំងប្រទេសកម្ពុជា នឹងបន្តការអភិវឌ្ឍលំនៅឋានទំនើប ផ្សារទំនើប និងការិយាល័យទំនើប សម្រាប់ប្រជាជនវណ្ណៈកណ្ដាល នៅកម្ពុជា ដែលកំពុងរីកចម្រើន និងអ្នកទិញបរទេសដែលមានចក្ខុវិស័យ។ អ្នកទិញក្នុងស្រុក និងបរទេសអាចទទួលបានប្រាក់កម្ចីទិញផ្ទះរហូតដល់ ១០០% តាមរយៈធនាគារព្រីនស៍ ដែលជាធនាគារឈានមុខគេបំផុតមួយក្នុងចំណោមធនាគារឌីជីថលឈានមុខគេនៅកម្ពុជា។

ចំពោះការទិញដោយសុវត្ថិភាព គឺផ្តល់ជូនអតិថិជននៅពេលទិញផ្ទះនឹងទទួលបានការធានារ៉ាប់រងគ្រោះអគ្គិភ័យ និងការធានារ៉ាប់រងអចលនទ្រព្យដោយឥតគិតថ្លៃនៅពេលទិញផ្ទះ តាមរយៈភាពជាដៃគូ ជាមួយក្រុមហ៊ុន Less Solutions។ សេវាកម្មប្រកបដោយភាពងាយស្រួល គឺអតិថិជនអាចទទួលបានអត្ថប្រយោជន៍ពីសេវាកម្មបន្ថែមជាច្រើន ដែលផ្ដល់ដោយអង្គភាពអាជីវកម្មពាក់ព័ន្ធក្នុងតម្លៃមួយដែលមានភាពប្រកួតប្រជែងដូចជា សេវាសន្តិសុខ សេវាគ្រប់គ្រងអចលនទ្រព្យ និងសេវាកម្មជួល។

លោក Edward Lee នាយកប្រតិបត្តិ នៃក្រុមហ៊ុន ព្រីនស៍ រៀលអ៊ីស្ទេតគ្រុប បានថ្លែងថា តាមរយៈការកាត់បន្ថយឧបសគ្គ ក្នុងការទិញអចលនទ្រព្យក្នុងទីក្រុង ក្រុមហ៊ុន ព្រីនស៍ មានគោលបំណងធ្វើឱ្យការវិនិយោគអចលនទ្រព្យ ក្លាយទៅជាផ្នែកមួយនៃការរស់នៅបែបទំនើបនៅកម្ពុជា តាមរយៈការដាក់ចេញនូវដំណោះស្រាយខាងលើ។

លោក Edward Lee បន្ថែមថា បច្ចុប្បន្ន ព្រីនស៍ វ័នត្រូពិកា ដែលជាគម្រោងវិឡាប្រណិតដំបូងគេដែលត្រូវបានដាក់ចេញដោយ ក្រុមហ៊ុន ព្រីនស៍ រៀលអ៊ីស្ទេតគ្រុប នៅខណ្ឌសែនសុខ ដែលមានចម្ងាយ ១០km ពីកណ្ដាលទីក្រុង គឺជាដំណោះស្រាយលំនៅឋានដែលអាចសម្រេចបានសម្រាប់ប្រជាជនខ្មែរ និងអ្នកជំនួញបរទេស ដែលស្វែងរកការរចនាស្ថាបត្យកម្មទានសម័យ ក៏ដូចជាបរិក្ខារទំនើបៗ ជាមួយនឹងតម្រូវការហិរញ្ញប្បទានទាបជាងតម្រូវការប្រពៃណីសម្រាប់ទិញផ្ទះក្នុងបុរី ដែលម្ចាស់ផ្ទះថ្មីនឹងអាចទទួលបានហិរញ្ញប្បទានរហូតដល់ ១០០% ពីធនាគារព្រីនស៍ និងដំណោះស្រាយធានារ៉ាប់រងពីក្រុមហ៊ុន CB Insurance ។ ជាលទ្ធផល ផ្ទះវីឡាដែលបានដាក់លក់ក្នុងដំណាក់កាលទី1 នៃគម្រោងព្រីនស៍ វ័នត្រូពិកានេះ ត្រូវបានលក់អស់ហើយ ផ្ទះវីឡាក្នុងដំណាក់កាលទី2 ក៏កំពុងត្រូវបានរៀបចំសម្រាប់ការដាក់លក់ផងដែរ៕ អត្ថបទ ៖ ប្រាក់ វ៉ាន់ដា