តៃវ៉ាន់ ៖ នៅថ្ងៃអង្គារនេះ ក្រសួងការបរទេសកោះតៃវ៉ាន់ បានបដិសេធន៍មិនបញ្ចេញព័ត៌មាន ឬសេចក្តីអធិប្បាយណាមួយ ថាតើប្រធានសភាសហរដ្ឋអាមេរិក លោកស្រី ណានស៊ី ប៉េឡូស៊ី(Nancy Pelosi)នឹងបំពេញទស្សនកិច្ចទៅកាន់កោះស្វ័យគ្រប់គ្រងដែលចិនអះអាងថាជារបស់ខ្លួនមួយនេះ ឬយ៉ាងណានោះទេ ។

ថ្លែងនៅក្នុងទីក្រុងតៃប៉ិ លោកស្រី ចូនណេ អ៊ូ (Joanne Ou) អ្នកនាំពាក្យក្រសួងការបរទេសកោះតៃវ៉ាន់ បាននិយាយថា ហេតុផលសំខាន់ដែលពួកយើងមិនអាចឆ្លើយតបថាតើប្រធានសភាអាមេរិក លោកស្រី ណានស៊ី ប៉េឡូស៊ី នឹងមកកាន់កោះតៃវ៉ាន់ គឺដោយសារតែលោកស្រីប្រធាន និងការិយាល័យរបស់លោកស្រី ពុំបានបញ្ជាក់ពីវា។

ប្រទេសចិន ដែលចាត់ទុកកោះតៃវ៉ាន់ថាជាខេត្តក្បត់របស់ខ្លួន ហើយពួកគេនឹងប្រើកម្លាំង ដើម្បីបញ្ចូលជាឧបសម្ព័ន្ធរបស់ខ្លួន បើសិនជាចំាបាច់នោះ បានព្រមានពីផលប៉ះពាល់ធ្ងន់ធ្ងរ ដោយពួកគេបញ្ជាក់ថា យោធារបស់ខ្លួននឹងមិនអង្គុយនៅស្ងៀមនោះទេ បើសិនជាលោកស្រី ប៉េឡូស៊ី បន្តដំណើរទស្សនកិច្ចមួយនេះ ។

នៅព្រឹកថ្ងៃអង្គារនេះ លោកស្រី ប៉េឡូស៊ី បានធ្វើដំណើរទៅដល់ប្រទេសម៉ាឡេស៊ី សម្រាប់ជើងទី ២នៃដំណើរទស្សនកិច្ចនៅអាស៊ីរបស់លោកស្រី ៕