​កោះតៃវ៉ាន់៖ លោកស្រី Nancy Pelosi បាន​ជួប​អនុប្រធាន​សភា​កោះ​តៃវ៉ាន់​លោក Tsai Chi-chang នៅ​ក្នុង​ទីក្រុង​តៃប៉ិ (Taipei) នៅ​ថ្ងៃ​ពុធ​នេះ​។ ប្រធាន​សភា​អាមេរិក​រូប​នេះក៏បាន​ជួប​មេដឹកនាំ​កោះ​នេះ​ផង​ដែរ​គឺ​លោកស្រី Tsai Ing-wen​។

​ប្រធាន​សភា​សហរដ្ឋអាមេរិក​បាន​និយាយ​ថា លោកស្រី​បាន​ចាត់​ទុក​ជំនួប​នេះ​ថា ​ជា​កិត្តិយស​បំផុត​ សំដៅ​ថា​ជា​មិត្ត​ល្អ​របស់​កោះ​តៃវ៉ាន់។ លោកស្រី Pelosi បាន​និយាយ​ថា លោកស្រី​ចង់​ជួយ​បង្កើន​កិច្ច​សហប្រតិបត្តិការ​អន្តរ​សភា និង​ការសន្ទនា និង​ដោះស្រាយ​បញ្ហា​ជាក់លាក់​នានា​ជាមួយ​កោះ​តៃវ៉ាន់​។​ សេត​វិមាន​របស់​លោក​ប្រធានាធិបតី Biden បាន​ព្យាយាម​រយៈពេល​ជាច្រើន​សប្ដាហ៍​ដើម្បី​បញ្ចុះ​បញ្ចូល​ក្រុង​ប៉េកាំង និង​ពិភពលោក​ ចំពោះ​ដំណើរ​ទស្សនកិច្ច​របស់​ប្រធាន​សភា​អាមេរិក​លោក​ស្រី Nancy Pelosi ទៅកាន់​កោះ​តៃវ៉ាន់​ ដោយ​និយាយ​ថា គ្មាន​អ្វី​ប្រែប្រួល​ចំពោះ​គោល​នយោបាយ​របស់​សហរដ្ឋអាមេរិក ​ចំពោះ​ចិនដីគោក ឬ​កោះ​តៃវ៉ាន់​ទេ​៕

អត្ថបទ៖ សុខមាន