ទីប្រឹក្សារាជរដ្ឋាភិបាល ឯកឧត្តម យឿន យៀត បានសម្តែង​ការ​អបអរសាទរ​ ចំពោះ​​លទ្ធផល​កិច្ច​ប្រជុំ​រដ្ឋមន្រ្តីការបរទេសអាស៊ានលើកទី៥៥ និងកិច្ចប្រជុំពាក់ព័ន្ធ​នានា​ទៀត​ដែល​កម្ពុជា​ធ្វើ​ជាម្ចាស់​ផ្ទះចាប់​ពី​ថ្ងៃទី៣ ដល់ថ្ងៃទី៦ សីហា ឆ្នាំ២០២២ ទទួលបានដោយជោគជ័យ ខណៈថ្នាក់ដឹកនាំ​ក្រសួងការបរទេស​ប្រទេសអាស៊ាន និងប្រទេសមហាអំណាច និងប្រទេស​អ្នក​មាន​មួយ​ចំនួន​ត្រឡប់​ទៅ​មាតុប្រទេសវិញប្រកបដោយសុវត្ថិភាព និងទទួលបានផ្លែផ្ការដ៏ត្រចាក់ត្រចង់។

 ឯកឧត្តម បានថ្លែងថា ដូចដែលសម្តេចតេជោ ហ៊ុន សែន នាយករដ្ឋមន្រ្តី​ នៃ​ព្រះរា​ជា​ណា​ចក្រ​កម្ពុជា​បានថ្លែងនៅក្នុងពិធីដែលសម្តេចទទួលសញ្ញាបត្របណ្ឌិត កិត្តិយសផ្នែកអភិវឌ្ឍន៍ ពី​សាកលវិទ្យាល័យភូមិន្ទភ្នំពេញនាព្រឹកថ្ងៃទី៥ ខែសីហា ឆ្នាំ២០២២យ៉ាងដូច្នេះដែរថា សន្តិភាព​ពិត​ជា​មានការចាំបាច់បំផុតក្នុងការអភិវឌ្ឍប្រទេស ហើយប្រសិន​បើ​កម្ពុជា​ពុំ​មាន​សុខសន្តិភាព​ពិត​ប្រាកដ​នេះ​ទេ កម្ពុជាក៏មិនអាចរៀបចំកិច្ចប្រជុំអាស៊ាន និងអាស៊ានបូក​ជា​មួយ​ប្រទេស​មហាអំណាច និងប្រទេសអ្នកមាននៅលើពិភពលោកនេះបានដែរ ខណៈ​ប្រមុខ​ការទូត​ប្រទេស​មហា​អំណាច និងអ្នកមានទាំងនោះបានមកប្រជុំនៅកម្ពុជាដោយផ្ទាល់នោះ។ នេះហើយសន្តិភាព