ភ្នំពេញ៖ មន្ត្រីជាន់ខ្ពស់នៃគណៈកម្មាធិការជាតិ ជំរុញចលនាភូមិមួយផលិតផលមួយ បានលើកឡើងថា បច្ចុប្បន្ន អ្នកផលិត ត្រូវយល់ដឹងឲ្យបានខ្ពស់ពីតម្រូវការទីផ្សារ និងអ្នកទិញចង់បានអ្វី ហើយអាជីវកម្ម ប្រកបដោយសុចរិតភាព និងទទួលបានទីផ្សារ។

ក្នុងវេទិកាផ្គូផ្គង រវាងអ្នកផលិត និងអ្នកទិញគម្រោងអភិវឌ្ឍន៍អាជីវកម្មប្រកបដោយសុចរិតភាព និងទទួលបានទីផ្សារសម្រាប់អ្នកផលិតក្នុងស្រុក កាលពីចុងសប្ដាហ៍មុននេះ ​នៅក្នុងខេត្តកំពង់ចាម ឯក ឧត្ដម សួង ណយ អគ្គលេខាធិការរងនៃគណៈកម្មាធិការជាតិ ជំរុញចលនាភូមិមួយផលិតផល​មួយ នៃទីស្តីការគណៈរដ្ឋមន្ត្រី បានជំរុញលើកទឹកចិត្តអ្នកផលិតទាំងអស់ ​ក្នុងខេត្តកំពង់ចាម ផ្គត់ផ្គង់​ផលិតផលខ្លួនឲ្យ ​ទាន់តម្រូវការក្នុងមូលដ្ឋានខ្លួន រួចទើបអាចចែកចាយបន្តទៀត ដោយត្រូវចេះយល់​ពីតម្រូវការទីផ្សារ អ្នក​ ទិញចង់បានផលិតផលបែបណា ទាំងគុណភាព បរិមាណ ដោយមិន​ប៉ះពាល់​សុខភាព។

ឯកឧត្ដម បានបន្ថែមទៀតថា វេទិកាមួយនេះ​ អាចធ្វើឲ្យការផ្គូផ្គងរវាងអ្នកផលិត និងអ្នកទិញត្រូវ ការអ្វី​ ក្នុងរបរប្រចាំថ្ងៃ ​និងអាចឲ្យអ្នកផលិតស្វែងរក​ដៃគូរសហការបាន​យ៉ាងល្អ ក្នុងការគាំទ្រ​ផលិតផល ខ្មែរ ។

ម្ចាស់អាជីវកម្ម និងសហគ្រាសក្នុងខេត្តកំពង់ចាម ​បានលើកឡើងដែរថា​ ក្រោយពីទទួលវគ្គបណ្តុះ បណ្តាល​មួយនេះ ​ពួកគេអាចទទួលបានបទសោធន៍ថ្មីៗទៀត​ ហើយអាចពង្រីកទីផ្សារ​បានល្អ នៅ​ពេលផលិតផលរបស់ពួកគេត្រូវស្តង់ដារ មិនប៉ះពាល់​ ឬគ្រោះថ្នាក់ដល់អ្នកប្រើប្រាស់។

វេទិកាផ្គូផ្គងរវាងអ្នកផលិត និងអ្នកទិញ គម្រោងអភិវឌ្ឍន៍អាជីវកម្មប្រកបដោយសុចរិតភាព ​និង ទទួល​បានទីផ្សារសម្រាប់អ្នកផលិតក្នុងស្រុក នៅពេលនេះ​ គឺមានការចូលរួមពីតំណាងមន្ទីរពាក់ព័ន្ធ ម្ចាស់ អាជីវកម្ម សហគ្រាស សិប្បករ ​និងតំណាងផ្សារទំនើប ​សណ្ឋាគារ ក្នុងខេត្ត ដើម្បីយល់ដឹង​ពី​តម្រូវការ រវាង គ្នា ទាំងការផលិត និងការបញ្ជាទិញទៅលក់បន្តទៀត៕ អត្ថបទ៖ ថុង សីហា