ភ្នំពេញ ៖ ក្រោយពីទទួលបានរូបភាពវីដេអូ តាមរយះបណ្តាញសង្គមហ្វេសប៊ុក ក៏ដូចជា Tik Tok អាជ្ញាធរខណ្ឌពោធិ៍សែនជ័យ បានចុះរៀបចំសណ្តាប់ធ្នាប់ និងណែនាំលែងអោយមានការលក់ដូរចំណីអាហារនៅលើផ្លូវរថភ្លើងបន្តទៀតហើយ ។

លោក ប៉ាង លីដាអភិបាលរងខណ្ឌពោធិ៍សែនជ័យ ប្រាប់អោយដឹងថា ដោយមានការយកចិត្តទុកដាក់ពីលោក ហែម ដារិទ្ធិ អភិបាលខណ្ឌពោធិ៍សែនជ័យ នាវេលាម៉ោង ១៥ និង៤៥នាទីរសៀលថ្ងៃទី០៨ ខែសីហា ឆ្នាំ២០២២ លោកបានដឹកនាំ

ក្រុមការងាររដ្ឋបាលខណ្ឌ ចុះពិនិត្យ និងរៀបចំសណ្តាប់ធ្នាប់នៅបណ្តោយផ្លូវរថភ្លើងស្ថិតនៅភូមិចែងម៉ែង សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ។ 

ជាក់ស្តែងនាវេលាថ្មើរនេះក្រុមការងារពិនិត្យ មិនឃើញ មានមនុស្សមកផឹកស៊ី ឬ អង្គុយលេង នៅលើផ្លូវរថភ្លើងនោះទេ ។

លោក ប៉ាង លីដាអភិបាលរងខណ្ឌពោធិ៍សែនជ័យ ប្រាប់បញ្ជាក់អោយដឹងថា ទោះបីយ៉ាងណាក្តី ក្រុមការងាររដ្ឋបាលខណ្ឌពោធិ៍សែនជ័យ ក៏បានធ្វើការណែនាំក្រុមអ្នកលក់ដូរទាំងអស់ មិនអោយមានការដាក់តុ កៅអី អង្គុយហូបចុក ផឹកស៊ី នៅលើផ្លូវរថភ្លើងបន្តទៀតទេ ៕

អត្ថបទ ៖ តារា វុទ្ធី