អន្ដរជាតិ៖ ទីក្រុង Nagasaki​ បានគោរពវិញ្ញាក្ខន្ធដល់ជនរងគ្រោះដោយសារការទម្លាក់គ្រាប់បែកបរមាណូសហរដ្ឋអាមេរិក កាល​ពីរយៈពេល ៧៧ឆ្នាំមុន នៅថ្ងៃទី០៩ ខែសីហានេះ ក្នុងនោះ​នាយករដ្ឋមន្រ្តីជប៉ុន លោក Fumio Kishidaបានលើកឡើងពីការ​ព្រមាន​សារជាថ្មីម្តងទៀររបស់លោកប្រឆាំងនឹងអាវុធនុយក្លេអ៊ែរ។

អំឡុងពិធីរំឭកខួបនៅសួនសន្តិភាព Nagasaki នាថ្ងៃអង្គារនេះ លោក Kishida បាននិយាយថា ការគំរាម​កំហែង​ពីអាវុធនុយក្លេអ៊ែរ និងលទ្ធភាពនៃការប្រើប្រាស់អាវុធនុយក្លេអ៊ែរ គឺមានពិត។ លោកសូមអំពាវនាវកុំឲ្យ​មានកំហុស​តែមួយ​ជាមួយអាវុធនុយក្លេអ៊ែរ៕