សហរដ្ឋអាមេរិក៖ ការធ្លាក់ចុះ​ក្នុងការ​ប្រើប្រាស់​ពី ​71% មក​នៅ 32% ក្នុងចំណោម​មនុស្ស​មាន​អាយុ​ចន្លោះ​ពី ​13 ​ដល់ ​17ឆ្នាំ​ឡើង ខណៈ​បណ្ដាញ​សង្គម TikTok របស់​ចិន​ដែល​ជា​គូរ​ប្រជែង​របស់​ក្រុមហ៊ុន ​FACEBOOK មើល​ឃើញ​ការ​ហក់​ឡើង​រហូតដល់ 67% ដោយមាន​សេចក្ដីរាយការណ៍​ថា​មាន ​16% បាន​ប្រើប្រាស់​ស្ទើរ​គ្រប់​ពេលវេលា​។

​សេចក្ដីរាយការណ៍​ខាងលើ​បាន​និយាយថា ទោះបីជា​យុវជន​បច្ចុប្បន្ន​ពុំ​ប្រើប្រាស់​បណ្ដាញ​សង្គម Facebook យ៉ាង​ទូលំទូលាយ ដូចជា​យុវជន​កាលពី​ប៉ុន្មាន​ឆ្នាំ​កន្លងទៅ​ក៏ដោយ កម្មវិធី​នេះ​នៅតែ​ផ្ដល់​ការកម្សាន្ត​យ៉ាង​ច្រើន​ដល់​អ្នកប្រើប្រាស់​ក្នុងចំណោម​យុវវ័យ​។ ​ចំណែក​កម្មវិធី​មួយ​ផ្សេងទៀត ដែល​គេ​កំពុង​មើល​ឃើញ​ពី​ការពេញនិយម​ក្នុងចំណោម​ស្រទាប់​យុវជន​ក្មេងៗ​នោះ​គឺ YouTube ដោយមាន​សេចក្ដីរាយការណ៍​ពី​ការ​ចូល​ទស្សនា​ប្រចាំថ្ងៃ​ដល់​ទៅ 75% ខណៈ​ដែល​បណ្ដាញ​សង្គម Twitter ត្រៀម​ប្រកួតប្រជែង​ជាមួយ​ក្រុមហ៊ុន​បច្ចេកវិទ្យា​ របស់​មហាសេដ្ឋី​ជំនួញ​ជនជាតិ​កាណាដា​-​សញ្ជាតិ​អាមេរិក​លោក Elon Musk ជុំវិញ​ចំនួន​នៃ​ក្រុម​អ្នកប្រើប្រាស់​ក្លែងក្លាយ ក៏បាន​មើល​ឃើញ​ពី​ការ​ធ្លាក់​ចុះ​ផង​ដែរ​។

​សេចក្ដីរាយការណ៍​ដដែល​បាន​រិះគន់​អគ្គនាយក​ក្រុមហ៊ុន Meta គឺ​លោក Mark Zuckerberg ខណៈ​ក្រុមហ៊ុន​នេះ​បាន​រាយការណ៍​ពី​ការ​ធ្លាក់​ចុះ​ប្រាក់ចំណូល​លើកដំបូង​របស់​ខ្លួន​កាលពី​ខែមិថុនា​។ ​ក្រុមហ៊ុន Meta ត្រូវ​បាន​រិះ​គន់​ថា ពុំ​បានធ្វើ​គ្រប់គ្រាន់​ដើម្បី​ទប់ស្កាត់​ព័ត៌មាន​ក្លែងក្លាយ និង​ការ​ប្រើ​ប្រាស់​ពាក្យសម្ដី​ស្អប់ខ្ពើមដែល​បាន​រាលដាល​ពេញ​លើ​កម្មវិធី​នានា​របស់ខ្លួន។ ​កាលពី​ឆ្នាំមុនអតីត​បុគ្គលិក​ម្នាក់​គឺ​អ្នកស្រី Frances Haugen បាន​ចោទប្រកាន់​ក្រុមហ៊ុន​នេះ​ពី​បទ​គិតតែ​ប្រយោជន៍​ខ្លួនឯង​ជាជាង​សុវត្ថិភាព​តាម online៕

អត្ថបទ៖ សុខមាន