ស៊ូដង់៖ ក្រុមបាតុករបានចេញធ្វើបាតុកម្មនៅតាមដងផ្លូវក្នុងទីក្រុង Khartoum កាលពីថ្ងៃព្រហស្បតិ៍ ជាបាតុកម្មថ្មីមួយផ្សេងទៀតនៅក្នុងការតវ៉ាជាបន្តបន្ទាប់ បន្ទាប់ពីរដ្ឋប្រហារយោធាកាលពីខែតុលា។

នគរបាលបង្ក្រាប​កុប្បកម្ម​បាន​បាញ់​ឧស្ម័ន​បង្ហូរ​ទឹក​ភ្នែក​ទៅ​លើក្រុម​បាតុករ ហើយ​ការ​ប្រឈម​មុខ​ដាក់​គ្នា​បាន​កើត​ឡើង​រវាង​សន្តិសុខ និងក្រុម​បាតុករ។ គណៈកម្មាធិការក្រុមវេជ្ជបណ្ឌិតប្រទេសស៊ូដង់ ដែលជាផ្នែកមួយនៃចលនាគាំទ្រលទ្ធិប្រជាធិបតេយ្យបាននិយាយកាលពីចុងខែកក្កដាថា ចំនួនអ្នកស្លាប់ក្នុងចំណោមក្រុមបាតុករមានយ៉ាង​ហោច​ណាស់ 118នាក់ចាប់តាំងពីយោធាបានដណ្តើមអំណាចកាលពីថ្ងៃទី25 ខែតុលា៕

អត្ថបទ៖ ប៊ុនថន