កំពង់ចាម៖ ក្រុមគ្រូពេទ្យខ្មែរនៅប្រទេសបារាំង បានចុះជួយពិនិត្យព្យាបាលជំងឺជូនប្រជាពលរដ្ឋ នៅក្នុងឃុំកោះសូទិន ស្រុក កោះសូទិន ខេត្តកំពង់ចាម កាលពីថ្ងៃទី១២ ខែសីហាម្សិលមិញ ។

លោកវេជ្ជបណ្ឌិត ឡោ គីមសុង ប្រធានសមាគមគ្រូពេទ្យខ្មែរនៅប្រទេសបារាំង ​បានប្រាប់BTVថា បេសសកកម្ម របស់ក្រុមគ្រូពេទ្យប្រទេសបារាំង ​នៅពេលនេះ​ គឺផ្ដល់ការពិនិត្យភ្នែក​ ផ្ដល់វែនតា ចាក់ម្ជុលវិទ្យាសាស្រ្ត ​ដោយឥតគិតថ្លៃ​ ដើម្បីចូលរួមជួយលើកស្ទួយសុខភាពប្រជាពលរដ្ឋ ពិសេស​ប្រជាពលរដ្ឋ​ ដែលមានជីវភាពមិនសូរធូរធារ។

លោកវេជ្ជបណ្ឌិត បានបញ្ជាក់ថា ការពិនិត្យព្យាបាលជំងឺជូនពលរដ្ឋដោយមិនគិតថ្លៃនេះ គឺ​មិនបែង​ចែកនិន្នាការ​ អ្វីទាំងអស់។

ប្រជាពលរដ្ឋ ​បានសម្ដែងការអរគុណដល់ក្រុមគ្រូពេទ្យប្រទេសបារាំង ​ដែលបានចុះពិនិត្យ និង​ព្យាបាលជំងឺជូនពួកគេ។

ការពិនិត្យព្យាបាលជំងឺជូនប្រជាពលដ្ឋដោយឥតគិតថ្លៃ ដោយក្រុមគ្រូពេទ្យមកពីប្រទេសបារាំង​ នៅពេលនេះ គឺផ្ដោតលើជំងឺទូទៅ ជំងឺភ្នែក ផ្ដល់ជូនវែនតា ​ចាក់ម្ជុលវិទ្យាសាស្រ្ត​ និងនាំយកកាតាប ថ្នាំដុះធ្មេញ ​សៀវភៅ ច្រាសដុះ ធ្មេញ សាប៉ូដុះខ្លួន ខ្មៅដៃ ចែកជូនសិស្សបឋមសិក្សា​ចំនួន ២០០នាក់ផងដែរ៕អត្ថបទ៖ ថុង សីហា