​ភ្នំពេញ៖ កម្ពុជា ចុះបញ្ជីប្រកាសនីយបត្រតក្កកម្ម (កម្មសិទ្ធិឧស្សាហកម្ម) បានចំនួន ៣៥១ សំណុំលិខិត លើសំណើរស្នើសុំផ្តល់ប្រកាសនីយបត្រតក្កកម្មសរុប ១ ៥៧០សំណុំលិខិត ដើម្បីសុំការពារកម្មសិទ្ធិឧស្សាហកម្ម ក្នុងគោលដៅការប្រកួតប្រជែងផលិតផលលើទីផ្សារ ទាំងក្នុងប្រទេស តំបន់ និងអន្តរជាតិ។

​របាយការណ៍ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានបង្ហាញឲ្យដឹងថា ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានបន្តអនុវត្តគម្រោងកិច្ចសហប្រតិបត្តិការនេះជាបន្តទៀត ជាមួយអង្គភាពកម្មសិទិ្ធបញ្ញា ជាច្រើន។

ក្នុងរយៈពេល ៥ឆ្នាំ កន្លងមកនេះ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ចុះបញ្ជីប្រកាស នីយបត្រតក្កកម្ម (កម្មសិទ្ធិឧស្សាហកម្ម) ដោយទទួលសំណុំលិខិតស្នើសុំ ផ្តល់ប្រកាសនីយបត្រតក្កកម្ម សរុបបាន ចំនួន ១ ៥៧០ សំណុំលិខិត និងបានផ្តល់ប្រកាសនីយបត្រតក្កកម្មចំនួន ៣៥១ សំណុំលិខិត ក្នុងនោះទទួល សំណុំលិខិតស្នើសុំផ្តល់វិញ្ញាបនបត្រម៉ូដែលមានអត្ថប្រយោជន៍ ចំនួន ៥៧ សំណុំលិខិត និងបានផ្តល់វិញ្ញាបន បត្រម៉ូដែលមានអត្ថប្រយោជន៍ចំនួន ៦សំណុំលិខិត។

កិច្ចការពារប្រកាសនីយបត្រតក្កកម្ម (Patent) គឺជាលើកកំពស់សេដ្ឋកិច្ចជាតិ និងសេដ្ឋកិច្ចសកល ដើម្បីលើក ទឹកចិត្តដល់ការវិនិយោគ និងជម្រុញភាពច្នៃប្រឌិតបច្ចេកវិទ្យា និងពិចារណាទៅលើភាពចាំបាច់ នៃការគ្រប់គ្រង ឲ្យមានប្រសិទ្ធិភាពលើចំនួនពាក្យស្នើសុំប្រកាសនីយបត្រតក្កកម្មអន្តរជាតិ ដែលបានកើនឡើងតាមតម្រូវការ និងក្នុងគោលបំណងបង្កើនកិច្ចសហប្រតិបត្តិការអន្តរការិយាល័យ និងអនុវត្តភាពជាអ្នកដឹកនាំល្អ នៅក្នុងកិច្ចខិតខំ ប្រឹងប្រែងសហប្រតិបតិ្តការទូទាំងពិភពលោក នៅក្នុងវិស័យប្រកាសនីយ បត្រតក្កកម្ម៕ អត្ថបទ៖ សុន រ៉ាឌី