អត្ដរជាតិ៖ អតីតអ្នកជាប់ឃុំម្នាក់​នៅក្នុងពន្ធនាគារ Bagram ស្ថិតនៅប្រទេសអាហ្វហ្គានីស្ថាន បានរំឭកពីបទពិសោធន៍ដ៏គួរឲ្យ​ឈឺ​ចាប់របស់លោក ពេលជាប់គុក ពេលរងការធ្វើទារុណកម្ម និងទង្វើអមនុស្សធម៌​ក្រោមថ្វីដៃ​របស់ទាហានសហរដ្ឋអាមេរិក។​

លោក Gul Mohammadធ្លាប់ជាម្ចាស់ហាងលក់ស៊ុតចៀន នៅស្រុក Baraki Rajan ខេត្ត Logar ប្រទេស​អាហ្វហ្គានីស្ថាន គឺជាតំបន់មួយក្លាយជាគោលដៅវាយប្រហារតាមច្រកអាកាសញឹកញាប់​របស់សហរដ្ឋអាមេរិក។

លោកនិយាយថា ពេលណាក៏ដោយឲ្យតែលោកសុំអ្វីមួយ ពួកគេវាយធ្វើបាបរូបលោករហូត ហើយ​​និង​បិទមាត់របស់លោក។ពួកគេនឹងឈប់វាយធ្វើបាបលោក នៅពេលដែលគ្រូពេទ្យមកព្យាបាលលោក ហើយនិង​បន្តវាយធ្វើ​បានលោក ពេលដែលគ្រូពេទ្យចាកចេញទៅ៕