កំពត៖ ចាប់តាំងពីផ្ទុះព្រឹត្តិការណ៍សហគមន៍ ២០កុម្ភៈ ខេត្តកំពតមិនមានភ្ញៀវទេសចរច្រើនមកទស្សនាដូចមុននោះទេ ហើយប៉ុន្មានសប្តាហ៍ចុងក្រោយនេះ បើតាមរបាយការណ៍របស់មន្ទីរទេសចរណ៍ បានឲ្យដឹងថា អាជីវកម្មលើវិស័យទេសចរណ៍ចំនួន ១៥០កន្លែង ត្រូវបានបិទ និងផ្អាកជាបណ្តោះអាសន្ន។ ​

ប្រធានមន្ទីរទេសចរណ៍ខេត្តកំពត លោក សយ ស៊ីណុល បានប្រាប់ឲ្យដឹងថា ក្រោយផ្ទុះព្រឹត្តិការណ៍ស ហគមន៍ ២០ កុម្ភៈ វិស័យទេសចរណ៍នៅក្នុងខេត្ត មានការធ្លាក់ចុះយ៉ាងខ្លាំង ដោយសារប្រជាពលរដ្ឋទូទាំងប្រទេស ចូលរួមអនុវត្តវិធានសុវត្ថិភាពតាមការណែនាំរបស់ក្រសួងសុខាភិបាល និងបទបញ្ជារប ស់ប្រមុខរាជរដ្ឋាភិបាល ពិសេសវិធានការ ៣ការពារ ៣កុំ ដើម្បីបង្ការទប់ស្កាត់ការឆ្លងរីករាយដាលជំងឺកូវីដ១៩ ធ្វើឲ្យចំនួនភ្ញៀវទេសចរមកកម្សាន្តខេត្តកំពតធ្លាក់ចុះខ្លាំង។ ហើយអវត្តមានរបស់ភ្ញៀវទេស ចរបានបង្ខំឲ្យម្ចាស់អាជីវកម្មលើវិស័យទេសចរណ៍ជាច្រើនកន្លែងត្រូវបានបិទ និងផ្អាកជាបណ្តោះអាសន្ន។

របាយការណ៍របស់មន្ទីរទេសចរណ៍ខេត្តកំពត បានឲ្យដឹងថា គិតមកដល់ថ្ងៃទី៣០ ខែមីនា ឆ្នាំ២០២១ ទូទាំងខេត្តកំពត មានអាជីវកម្មជាច្រើនត្រូវបានបិទទ្វារ និងផ្អាកបណ្តោះអាសន្ន ក្នុងនោះ មានសណ្ឋាគារ៤កន្លែង បិទ១កន្លែង និងផ្អាក៣កន្លែង, ផ្ទះសំណាក់៤៤កន្លែង បិទចំនួន ១០កន្លែង ផ្អាក៣៣កន្លែង , ភោជនីដ្ឋាន២៣កន្លែង បិទចំនួន១០កន្លែង ផ្អាកចំនួន ១៣កន្លែង, ម៉ាស្សា៣៤កន្លែង បិទមួយ១កន្លែង ផ្អាក៣៣កន្លែង, ខារ៉ាអូខេ៣៤កន្លែងត្រូវបានផ្អាក, បៀលហ្គាឌិន៦កន្លែងផ្អាក , ក្លិប១កន្លែងផ្អាក  ការីទេសចរណ៍ ៤កន្លែង ៣កន្លែងផ្អាក និង បិទ១កន្លែង, រមណីដ្ឋាន ២ន្លែង ត្រូវបានផ្អាក (រមណីយដ្ឋានដូងទេ និងរមណីដ្ឋានទេសចរណ៍ធម្មជាតិ ទឹកធ្លាក់កោះតាដា) សរុបបុគ្គលិករងផលប៉ះពាល់លើវិស័យទេសចរណ៍ ចំនួន ១២២៩នាក់ ( ស្រី៨៩៥នាក់ )។

គិតមកដល់ថ្ងៃទី២ ខែមេសា ខេត្តកំពតមិនមានអ្នកផ្ទុកជំងឺកូវិដ១៩នោះទេ ហើយអាជ្ញាធរនៅតែបន្តបង្កើនការចុះផ្សព្វផ្សាយ អប់រំវិធានសុវត្ថិភាព និងរិតបន្តឹងការធ្វើដំណើរចេញចូលខេត្ត ពិសេសរិតបន្តឹងវិធានាការ ៣ការពារ ៣កុំ តាមការអំពាវនាវរបស់សម្តេចតេជោ និងបន្តជំរុញប្រជាពលរដ្ឋចូលរួមចាក់វ៉ាក់សាំងកូវីដ១៩ ក្នុងជំហានទី២៕ អត្ថបទ៖ ​ អន សារីម