អន្ដរជាតិ៖ កងកម្លាំងអ៊ីស្រាអែល បានវាយឆ្មក់មកលើការិយាល័យជាច្រើនរបស់ក្រុមតស៊ូមតិប៉ាឡេស្ទីន ដែលកាល​ពីមុន​ពួកគេ​ចាត់​ទុកថាជាអង្គការភេរវកម្ម ដោយបានបិទទ្វារចូលការិយាល័យ និងបិទស្លាក​ប្រកាសបិទទ្វារ។

អ៊ីស្រាអែល អះអាងថា ក្រុមតស៊ូមតិប៉ាឡេស្ទីនមួយចំនួន មានទំនាក់ទំនងជាមួយក្រុមរណ​សិរ្សរំដោះ​ប៉ាឡេស្ទីន គឺជា​ក្រុម​​ចលនាឆ្វេងនិយមមានគណបក្សនយោបាយ និងកងកម្លាំងប្រដាប់អាវុធ ដែលតែងតែបើកការវាយប្រហារ​សម្លាប់មនុស្ស​មកលើ​អ៊ីស្រាអែល ។ទោះបីជាយ៉ាងណាក៏ដោយ ក្រុមតស៊ូមតិប៉ាឡេស្ទីន បានធ្វើការច្រានចោលទាំងស្រុងចំពោះការអះអាងរបស់​អ៊ីស្រាអែល៕