អន្ដរជាតិ៖ នៅថ្ងៃព្រហស្បតិ៍នេះ ក្រសួងការពារជាតិរុស្ស៊ី បានចោទប្រកាន់កងកម្លាំងប្រដាប់អាវុធអ៊ុយក្រែនថា ពួកគេនឹង​បង្ក​មហន្តរាយក្នុងរោងចក្រថាមពលនុយក្លេអ៊ែរនៅទីក្រុង Zaporizhzhia ដែលគ្រប់គ្រងដោយកងកម្លាំងរុស្ស៊ី ។

លោក Igor Konashenkov គឺជាអ្នកនាំពាក្យក្រសួងការពារជាតិរុស្ស៊ី បាននិយាយនៅក្នុងសន្និសីទសារព័ត៌​មាន​ប្រចាំ​ថ្ងៃ​ថា នៅថ្ងៃទី ១៩ ខែសីហា របបទីក្រុងគីវ នឹងបង្ករឿងនៅរោងចក្រថាមពលនុយក្លេអ៊ែរ Zaporizhzhia អំឡុង​ដំណើរ​ទស្សន​កិច្ច​​របស់ប្រមុខអង្គការសហប្រជាជាតិ លោក Antonio Guterres ជាលទ្ធផលដែលរុស្ស៊ី​នឹងរង​ការចោទ​ប្រកាន់​ថា បានបង្កឲ្យមានមហន្តរាយ​ក្នុងរោងចក្រថាមពលនុយក្លេអ៊ែរមួយនេះ៕