អន្ដរជាតិ៖ នៅថ្ងៃសុក្រនេះ ប្រទេសរុស្ស៊ី បានច្រានចោលទាំងស្រុងការអំពាវនាវឲ្យមានតំបន់គ្មានកងទ័ព​នៅជុំវិញរោងចក្រ​ថាមពលនុយក្លេអ៊ែរ Zaporizhzhia ស្ថិតនៅភាគខាងត្បូងប្រទេសអ៊ុយក្រែន។ មន្រ្តីរុស្ស៊ីមួយរូប បាននិយាយថា ការធ្វើបែបនេះ នឹងធ្វើឲ្យរោងចក្រ Zaporizhzhia កាន់តែងាយរងគ្រោះ។ការអំពាវនាវឲ្យមានតំបន់គ្មានកងទ័ពនៅរោងចក្រ Zaporizhzhia បានកើតមានឡើង ស្របពេលមានក្តីកង្វល់ខ្លាំង​លើសុវត្ថិភាពនៅទីនោះ ដែលជារោងចក្រថាមពលនុយក្លេអ៊ែរធំបំផុតនៅអឺរ៉ុប ស្របពេលដែលភាគីទាំង ២ ទាំងទីក្រុង​ម៉ូស្គូ ទាំងទីក្រុងគីវ បានចោទ​ប្រកាន់គ្នាទៅវិញទៅមកពីការផ្លោងគ្រាប់កាំភ្លើងធំនៅទីនោះ ៕