ឧត្តរមានជ័យ៖ លោក ហាំង ម៉េង​ អភិបាលស្រុកត្រពាំងប្រាសាទ នៅថ្ងៃទី២៣ ខែសីហាម្សិលមិញ​នេះ ​បានចុះពិនិត្យមើលស្ថានភាពកំណាត់ផ្លូវលំក្រួសក្រហម១ខ្សែ ដែលរងការខូចខាត​ដោយជំនន់​ទឹកភ្លៀង​ នៅ​ចំណុចភូមិបាក់អន្លង់ ​ឃុំព្រះប្រឡាយ ស្រុកត្រពាំង​ប្រាសាទ​ ខេត្តឧត្តរមានជ័យ ។

ក្នុងនោះដែរ​លោកអភិបាលស្រុកត្រពាំងប្រាសាទ ​បាន​អំពាវនាវដល់​អាណាព្យាបាល​គ្រប់រូប​ដែល​រស់នៅក្បែរតំបន់​ដែលកំពុងមានការប្រឈមនេះ ត្រូវមានការប្រុងប្រយ័ត្នឲ្យបានខ្ពស់​ចំពោះការធ្វើ​ដំណើរឆ្លងកាត់លើកំណាត់ផ្លូវដែលកំពុងរងការខូចខាតដាច់ជាកំណាត់ៗនេះ និង​ផ្ដាំផ្ញើ​ដល់​ពលរដ្ឋ​ដែលមានកូនចៅតូចៗ មិនត្រូវ​បណ្តែបណ្តោយ​ឲ្យ​មកលេងទឹកនៅតំបន់ក្បែរផ្លូវ​ដែលកំពុងដាច់​និងមានទឹកហូរច្រើនោះទេ វាអាចបណ្តាឲ្យមានគ្រោះថ្នាក់បាន។

ជាមួយគ្នានោះដែរក្រុមការងារយុវជនគណបក្សស្រុក ក៏​បានចូលរួមរំលែក​ទុកដល់ក្រុមគ្រួសារសព ដោយបានផ្តល់នូវសម្ភារៈ​គ្រឿង​ឧបភោគបរិភោគ​មួយ​ចំនួន​​ផងដែរ។

លោកអភិបាលស្រុក បានបន្តថា ក្នុងនាម​អាជ្ញាធរ​ស្រុក​និង​ក្រុមការងារ​យុវជន​គណបក្សស្រុក​តែងតែ​គិតគូរ​យក​ចិត្ត​ទុក​ដាក់​ខ្ពស់​ជាប់​ជានិច្ច​ចំពោះ​សុខ​ទុក​របស់​ពលរដ្ឋ​គ្រប់គ្នានៅ​ពេល​ដែល​បងប្អូនជួបការលំបាក៕ អត្ថបទ៖ ឃិន សារិទ្ធ