ចិន៖ ប្រេសិតពិសេសចិនប្រចាំប្រទេសអាហ្វហ្គានីស្ថានបាននិយាយថា ប្រទេសចិនបានចូលរួមយ៉ាងសកម្មជាមួយរដ្ឋាភិបាលបណ្តោះអាសន្ន របស់ប្រទេសអាហ្វហ្គានីស្ថាននៅក្នុងឆ្នាំកន្លងទៅនេះ ក្នុងការផ្តល់ជំនួយផ្នែកសេដ្ឋកិច្ច និងមនុស្សធម៌ដល់ប្រជាជនអាហ្វហ្គានីស្ថានតាមរយៈបណ្ដាញទ្វេភាគី។
ដើម្បីបង្កើនការយល់ដឹងជាអន្តរជាតិ អំពីស្ថានភាពមនុស្សធម៌នៅប្រទេសអាហ្វហ្គានីស្ថាន និងស្វែងរកវិធីដើម្បីស្តារឡើងវិញ បណ្តាញទូរទស្សន៍ចិនសកល (CGTN) និងទូរទស្សន៍ Shamshad របស់ប្រទេសអាហ្វហ្គានីស្ថានបានរួមគ្នា រៀបចំវេទិកាទូរទស្សន៍កម្រិតខ្ពស់មួយក្រោមប្រធានបទ "អាហ្វហ្គានីស្ថានក្នុងដំណើរផ្លាស់ប្តូរជាលំដាប់"។ លោក Yue Xiaoyong បេសកជនពិសេសទទួលបន្ទុកកិច្ចការប្រទេសអាហ្វហ្គានីស្ថាន បាននិយាយនៅទីក្រុងកាប៊ុលក្នុងអំឡុងដំណើរទស្សនកិច្ចរបស់លោក ដោយចែករំលែកទស្សនៈរបស់ប្រទេសចិនលើបញ្ហាប្រទេសអាហ្វហ្គានីស្ថាន។ លោក Yue បាននិយាយថា ក្នុងអំឡុងឆ្នាំកន្លងទៅនេះ ប្រទេសចិនបានផ្តល់ជំនួយមនុស្សធម៌បន្ទាន់ដល់ប្រទេសអាហ្វហ្គានីស្ថានចំនួនជាង 350លានយ័ន (ប្រមាណ 51,4លានដុល្លារ) នៃជំនួយមនុស្សធម៌តាមរយៈបណ្តាញទ្វេភាគី ប្រទេសចិនក៏បានផ្តល់យោបល់ដល់រដ្ឋាភិបាលអាហ្វហ្គានីស្ថាន ក្នុងការធ្វើឲ្យប្រសើរឡើងគោលនយោបាយ ប៉ុន្តែមិនដែលជ្រៀតជ្រែកក្នុងកិច្ចការផ្ទៃក្នុងរបស់ប្រទេសនេះឡើយ។
យើងបានបន្តការចូលរួមជាមួយរដ្ឋាភិបាលស្តីទីប្រទេសអាហ្វហ្គានីស្ថាន ដោយជំរុញទឹកចិត្ត និងគាំទ្ររដ្ឋាភិបាលនេះ គាំទ្ររចនាសម្ព័ន្ធរដ្ឋាភិបាល ដើម្បីនាំមកនូវអភិបាលកិច្ចកម្រិតមធ្យមប្រកបដោយការប្រុងប្រយ័ត្ន និងដើម្បីសម្រេចបាននូវការប្រឆាំងអំពើភេរវកម្ម និងបង្កើតទំនាក់ទំនងមិត្តភាពជាមួយប្រទេសជិតខាងរបស់លោក។ លោក Yue ក៏បានជំរុញឱ្យសហរដ្ឋអាមេរិកប្រគល់ទ្រព្យសម្បត្តិ ដែលបង្កកទៅឱ្យប្រទេសអាហ្វហ្គានីស្ថានវិញ និងមានវិធានការដើម្បីជួយប្រជាជននៅក្នុងប្រទេស៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
