ការដ្ឋានសាងសង់ផ្លូវក្រាលកៅស៊ូ ២ជាន់ប្រវែងជាង ១១គីឡូម៉ែត្រ តភ្ជាប់ស្រុករលាប្អៀរ និងស្រុកកំពង់ត្រឡាច កំពុងចាប់ផ្តើមស្ថាបនា

2022/08/25 09:57:24 am        700

កំពង់ឆ្នាំង៖ បណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ នាព្រឹកថ្ងៃទី២៥ ខែ​សីហា ឆ្នាំ២០២២នេះ បាន​អញ្ជើញ​ជា​អធិបតី​បើក​ការដ្ឋាន​ស្ថាបនា​ផ្លូវ​ក្រាល​កៅ​ស៊ូ២​ជាន់​ប្រភេទ(DBST) ០១ខ្សែ ប្រវែងជាង១១គីឡូម៉ែត្រ ទទឹង៧ម៉ែត្រ តភ្ជាប់ពីភូមិទឹកចេញ ឃុំ​ជើងគ្រាវ ស្រុករលាប្អៀរ ទៅដល់ភូមិស្រែសារ ឃុំឈូកស ស្រុកកំពង់ត្រឡាច ខេត្តកំពង់ឆ្នាំង ក្រោម​ជំនួយហិរញ្ញប្បទានសហប្រតិបត្តិការ និងគម្រោងពង្រឹងសមត្ថភាពផលិតភាពជនបទ ហៅកាត់ថា (NRRPCP) ដែលគាំទ្រដោយធនាគារវិនិយោគហេដ្ឋារចនាសម្ព័ន្ធអាស៊ី(AIIB)។

ក្នុងឱកាសនោះ ឯកឧត្តមរដ្ឋមន្រ្ដីបានថ្លែងថា នៅលើកំណាត់ផ្លូវនេះ មានស្ថាបនា​លូប្រអប់ ៣កន្លែង លូមូលកាត់ទទឹងផ្លូវ ២៧កន្លែង លូមូលកាត់ផ្លូវបំបែក ២៧កន្លែង បំពាក់ស្លាក​សញ្ញាចរាចរណ៍ ៧៨កន្លែង មានគំនូសតាមអក្សផ្លូវ គំនូសឆ្លងកាត់១ កន្លែង នឹងស្ថាបនា​រយៈពេល ១២ខែ ដោយគិតចាប់ពីថ្ងៃបើកការដ្ឋាននេះ រហូតដល់ដំណាច់ខែមិថុនា ឆ្នាំ២០២៣ ដោយទទួលសាងសង់ដោយ ក្រុមហ៊ុន HENG SAMBAT Co.LTD , Import Export Transportation and Construction ក្នុងទឹកប្រាក់ចំនួន ១ ៥៥១ ០៦៣.២៨ដុល្លារអាមេរិក។

ឯកឧត្តមបណ្ឌិតសភាចារ្យបានថ្លែងទៀតថា នេះជាគម្រោងថ្មីមួយរបស់រាជរដ្ឋាភិបាល ដែលមានសម្ដេចតេជោជាប្រមុខដឹកនាំ ផ្ដល់ឱកាសឲ្យមានលក្ខណៈពិសេស​ខុសប្លែក​ពីគម្រោងផ្សេងៗទៀត ដែលមានលក្ខខណ្ឌតម្រូវឲ្យចាប់ផ្ដើមអនុវត្តបន្ទាន់ ដើម្បីបន្ត​រក្សានិរន្ដរភាពសេដ្ឋកិច្ចជនបទ ស្ដារជីវភាពរបស់ប្រជាជននៅជនបទ ឲ្យល្អប្រសើរឡើងវិញ បន្ទាប់ពីបាននឹងកំពុងងើបពីវិបត្តិជំងឺកូវីដ១៩។ ហេដ្ឋារចនាសម្ព័ន្ធ និងគមនាគមន៍​ដឹកជញ្ជូន​ជនបទ ប្រៀបដូចជាសរសៃឈាមសេដ្ឋកិច្ចដ៏សំខាន់ សម្រាប់ផ្សារភ្ជាប់​សកម្មភាព​ធុរកិច្ចផ្សេងៗ​ក្នុងតំបន់ ជំរុញកំណើនប្រាក់ចំណូល របស់ប្រជាជននៅជនបទ និងធ្វើឲ្យតម្លៃ​នៃអចលនទ្រព្យ​កើនឡើង។

សូមបញ្ជាក់ផងដែរថា គម្រោងពង្រឹងសមត្ថភាពផលិតភាពជនបទ បានចាប់ផ្ដើអនុវត្តពី​ឆ្នាំ២០២១-២០២៣ មានថវិកាសរុបចំនួន៦៧លានដុល្លារអាមេរិក ក្នុងនោះថវិកាចំនួន ៦០លានដុល្លារអាមេរិក ជាហិរញ្ញប្បទានរបស់ធនាគារវិនិយោគហេដ្ឋារចនាសម្ព័ន្ធអាស៊ី (AIIB) និង ៧.៥ លានដុល្លារអាមេរិក ជាថវិកាបដិភាគរបស់រាជរដ្ឋាភិបាលកម្ពុជា។

គម្រោងនេះមានសមាសភាពចំនួន២គឺ៖ ទី១ អភិវឌ្ឍហេដ្ឋារចនាសម្ព័ន្ធគមនាគមន៍ជនបទ ដែលត្រូវស្ថាបនាផ្លូវក្រាលកៅស៊ូពីរជាន់ប្រភេទ (DBST) ប្រវែង១៨៥ គីឡូម៉ែត្រ និងផ្លូវបេតុងប្រវែង៥០គីឡូម៉ែត្រ ស្ថាបនាស្រះដីសហគមន៍ចំនួន ៧៥ស្រះ ស្ថាបនាស្រះសហគមន៍រៀបថ្ម ឬបេតុងចំនួន៧៥ស្រះ។ ទី២ អភិវឌ្ឍន៍ជំនាញនៅជនបទ និងផ្ដល់សេវាគាំទ្រដល់ អង្គភាពគ្រប់គ្រងគម្រោងថ្នាក់ជាតិ និងថ្នាក់ក្រោមជាតិ ដែលសមាសភាពទាំងពីរនេះ អនុវត្តនៅក្នុងខេត្តគោលដៅចំនួន៥គឺ៖ ខេត្តកំពង់ឆ្នាំង ខេត្តប៉ៃលិន ខេត្តព្រៃវែង ខេត្តត្បូងឃ្មុំ និងខេត្តកោះកុង៕ អត្ថបទ៖ ហុង វាស្នា

អត្ថបទដែលទាក់ទង

សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ អញ្ជើញប្រារព្ធពិធីបុណ្យវិសាខបូជា ជាមួយបងប្អូនប្រជាពលរដ្ឋឃុំកោះពីរ ស្រុកក្រូចឆ្មា ខេត្តត្បូងឃ្មុំ
2025/05/11 09:46:53 am        1
ព្រះខ័នរាជស្វាយរៀង ចាញ់ការការប្រកួត ជើងឯក AFC Challenge League 2024/25 ប៉ុន្តែបាន បេះដូងអ្នកគំាទ្រ
2025/05/11 09:03:05 am        1
ឯកឧត្តម ប្រាក់ សុខុន៖ សមាជិកថ្មីរបស់គណបក្សប្រជាជនកម្ពុជា ជាអ្នកបន្តវេនរួមចំណែកការពារសមិទ្ធផលជូនពលរដ្ឋ
2025/05/10 07:48:06 pm        1

បណ្ដាញសង្គម

ព័ត៌មានចុងក្រោយ

​សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ អញ្ជើញប្រារព្ធពិធីបុណ្យវិសាខបូជា ជាមួយបងប្អូនប្រជាពលរដ្ឋឃុំកោះពីរ ស្រុកក្រូចឆ្មា ខេត្តត្បូងឃ្មុំ

2025/05/11 09:46:53 am
​ព្រះខ័នរាជស្វាយរៀង ចាញ់ការការប្រកួត ជើងឯក AFC Challenge League 2024/25 ប៉ុន្តែបាន បេះដូងអ្នកគំាទ្រ
2025/05/11 09:03:05 am
​BREAKING NEWS ÷ លោក Putin ស្នើការចរចាសន្តិភាពដោយផ្ទាល់ជាមួយអ៊ុយក្រែន បន្ទាប់ពីសង្គ្រាមរយៈពេលបីឆ្នាំ
2025/05/11 08:56:30 am
​BREAKING NEWS លោក Trump និយាយថា ឥណ្ឌា និងប៉ាគីស្ថាន បានយល់ព្រមលើបទឈប់បាញ់មួយ
2025/05/10 08:04:14 pm
​ឯកឧត្តម ប្រាក់ សុខុន៖ សមាជិកថ្មីរបស់គណបក្សប្រជាជនកម្ពុជា ជាអ្នកបន្តវេនរួមចំណែកការពារសមិទ្ធផលជូនពលរដ្ឋ
2025/05/10 07:48:06 pm

ព័ត៌មានពេញនិយម

​ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

2025/05/10 02:04:07 am
​ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »
2025/05/09 06:02:09 am
​សម្ដេចតេជោ ហ៊ុន សែន​ ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន
2025/05/08 09:23:18 pm
​សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់​ លើ​ករណី​រំលោភ​សម្លាប់ នៅសង្កាត់អូរស្មាច់
2025/05/11 02:03:10 am
​កម្លាំងកងរាជអាវុធហត្ថរាជធានីភ្នំពេញ ចុះឡោមព័ទ្ធសណ្ឋាគារសឹងប៉ាវឡុង និងក្លឹបកំសាន្ត នៅខណ្ឌបឹងកេងកង
2025/05/09 06:39:34 am

ព័ត៌មានវីដេអូ

​រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

2024/09/02 09:13:57 am
ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់
2023/11/30 02:02:15 am
កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក
2023/06/12 07:57:12 pm
រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ
2022/10/14 08:38:02 am
សម្តេចតេជោ ហ៊ុន សែន អញ្ជើញទទួលទានអាហារពេលព្រឹក ជាមួយប្រធានរដ្ឋវៀតណាម
2022/09/27 09:16:39 am