​បាល់ទាត់៖ ​ក្លិប​របស់​ស្កុ​ត​ឡេ​ន Glasgow Rangers នឹង​ត្រលប់​ទៅកាន់​ក្របខណ្ឌ UEFA Champions League ជា​លើកដំបូង​ក្នុង​រយៈពេល ១២​ឆ្នាំបន្ទាប់ពី​យកឈ្នះ PSV Eindhoven នៅ​វគ្គ Play-Off ១-០ យប់មិញ​។ ​​កីឡាករ Antonio Colak ជា​អ្នក​រកបាន​គ្រាប់​បាល់​ជ័យជំនះ​ឱ្យ Rangers ជា​លើកដំបូង ពោលគឺ​បង្ហាញខ្លួន​ចុងក្រោយ​បំផុត​តាំងពី​ឆ្នាំ២០១០​។

​​ឆ្នាំ២០១២ Rangers ដោយសារ​វិបត្តិ​ហិរញ្ញវត្ថុបានចាប់ផ្តើម​សារជាថ្មី​ដោយ​លេង​ពី​ក្របខណ្ឌ​ទី៤ ស្កុ​ត​ឡេ​នទំរាំ​ឈរជើង​រឹងមាំ​ឡើងវិញ​នៅ​ក្របខណ្ឌ​កំពូល​។ ​​ចំណែកឯ​គូប្រជែង Glasgow Celtics ក៏មាន​កៅអី​ស្វ័យប្រវត្តិ​ដែរ​នៅ​វគ្គ​វិលជុំ​ក្នុង​ពូ​ល ដែល​មានន័យថា​ក្លិប​ស្កុ​ត​ឡេ​ន​ទាំងពីរ Rangers និង Celtic មានមុខ​នៅ UCL រួមគ្នា​លើកដំបូង​តាំងពី​ឆ្នាំ២០០៨​។ ​​ក្រៅពី Rangers ក្លិប​ដា​ណឺ​ម៉ាក FC Copenhagen ក៏​ទទួលបាន​កៅអី​ដែរ​ក្រោយ​យកឈ្នះ​ក្លិប​ទួ​ក​គី Trabzonspor សរុប​ទាំងពីរ​ជើង ២-១ និង​ក្លិប​ក្រូ​អាស៊ី Dinamo Zagreb យកឈ្នះ Bodo/Glimt របស់​ន័​រវេ​ស​សរុប​ទាំងពីរ​ជើង ៤-២​។ ​​ការចាប់​ឆ្នោត​បែង​ចែង​ពូ​ល​ក្របខណ្ឌ UEFA Champions League នឹង​ធ្វើឡើង​ថ្ងៃនេះ​នៅ​ទីក្រុង Istanbul ប្រទេស​ទួ​ក​គី​វេលា​ម៉ោង ១៧ល្ងាច​ត្រូវ​នឹង​ម៉ោង ១០យប់​នៅ​កម្ពុជា​៕

​អត្ថបទ​៖​នាង សុភា​វុ​ធ