ភ្នំពេញ៖ កម្ពស់ទឹកទន្លេមេគង្គកំពង់ចាម ក្នុងខេត្តកំពង់ចាម ថ្ងៃនេះមានការហក់ឡើងបន្តិច ហើយទឹកបានហូរចូលទំនាប ព្រែកចំនួន២២ក្នុងស្រុកចំនួន៥ នៃខេត្តកំពង់ចាម ។

ស្ថានភាពទឹកទន្លេមគង្គក្នុងខេត្តកំពង់ចាម នៅថ្ងៃទី ២៧ខែសីហាឆ្នាំ២០២២ បានឡើងដល់កម្ពស់កម្ពស់ ១២.១២​ម៉ែត្រ​ ធៀបទៅនឹងថ្ងៃម្សិលមិញ​ទឹកឡើង​កម្ពស់ ​០.០៨ម៉ែត្រនេះ បើយោងតាមរបាយកាណ៍ពីលោក អ៊ុម វិបុល ប្រធានមន្ទីរធនធានទឹក និងឧតុនិយម ខេត្តកំពង់ចាម។

ជាមួយគ្នានេះ ព្រែកចំនួន ២២ក៏បានទទួលរងជន់លិចក្នុងស្រុកស្ទឹងត្រង់ ចំនួន៥ស្រុកកំពង់សៀម៣ ស្រុកស្រីសន្ធរ២ ស្រុកកោះសូទិន៥ និងព្រែកចំនួន៧ ក្នុងស្រុកកងមាសបានជន់លិច​ដោយទឹកទន្លេមេគង្គ។

ទន្ទឹមនេះដែររដ្ឋបាលខេត្តកំពង់ចាម ​ក៏បានអំពាវនាវដល់អាជ្ញាធរមូលដ្ឋាន និងមន្ត្រីពាក់ព័ន្ធចូលរួម​សហការគ្នាក្នុងការត្រៀមបង្ការទប់ស្កាត់ ​និងឆ្លើយតបការជួយសង្គ្រោះ​បងប្អូនប្រជាពលរដ្ឋ​ទៅរក​ទីទួលសុវត្ថិភាពនៅពេល ​មានគ្រោះមហន្តរាយកើតឡើង​ជាដែលបង្កដោយសារទឹកជំនន់ ដែល​អាចកើតយថាហេតុក្នុងភូមិសាស្ត្រខេត្តកំពង់ចាម៕អត្ថបទ៖ ថុង​ សីហា