ស្វាយរៀង៖ ដោយបានការចាត់តាំងពីឯកឧត្តម ម៉ែន វិបុល ប្រធានគណៈកម្មាធិការសាខាកាកបាទ ក្រហមកម្ពុជា ខេត្តស្វាយរៀង នៅថ្ងៃចន្ទទី២៩ ខែសីហា ឆ្នាំ២០២២ ក្រុមការងារសាខា បានបន្តបើកវគ្គបណ្ដុះបណ្ដាល និងបំប៉នស្តីពីចំណេះដឹងជាមូលដ្ឋាន នៃចលនាកាកបាទក្រហមច្បាប់មនុស្សធម៌ អន្តរជាតិ និងវិជ្ជាសង្គ្រោះបឋម ដល់ទីប្រឹក្សា និងយុវជនកាកបាទក្រហមកម្ពុជា ចាស់ និងទើបជ្រើសរើស ថ្មី ប្រចាំវិទ្យាល័យចំណេះទូទៅ និងបច្ចេកទេស បាវិត ចំនួន ៤៩នាក់ ស្រី ២៥នាក់ដោយមានការ អញ្ជើញចូលរួមពី លោក សរ វណ្ណា នាយកសាខា។
វគ្គនេះធ្វើឡើងក្នុងគោលបំណង ដើម្បីពង្រឹងនិងពង្រីកសមត្ថភាពដល់ទីប្រឹក្សាយុវជន និងយុវជនកាកបាទក្រហមកម្ពុជាបានយល់ដឹងពីប្រវត្តិចលនាកាកបាទក្រហម អឌ្ឍចន្ទក្រហម ច្បាប់ មនុស្សធម៌អន្តរជាតិ គោលការណ៍គ្រឹះទាំង ៧ គោលនយោបាយយុវជនកាកបាទក្រហម និងវិជ្ជា សង្គ្រោះបឋម ដើម្បីចូលរួមក្នុងសកម្មភាពការងារមនុស្សធម៌ និងធ្វើការផ្សព្វផ្សាយបន្តទៅដល់មិត្តភ័ក្រ និង សហគមន៍រៀងៗខ្លួន៕ អត្ថបទ៖ ហួន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
