ភ្នំពេញ៖ ការចោទជាសំនួររបស់សម្តេចតេជោ ហ៊ុន សែន នាយករដ្ឋមន្ត្រី ទៅកាន់ក្រុមអ្នកវិភាគគ្មានមូលដ្ឋានមួយចំនួន ដែលតែងវិភាគខុសពីការពិត។ សម្តេចតេជោ បញ្ជាក់តាមរយៈផេកហ្វេសប៊ុក ផ្លូវការ នៅយប់ថ្ងៃទី៣០ ខែសីហានេះ ដោយភ្ជាប់ជាមួយរូបភាពឧត្តមសេនីយ៍ ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក មានជំនួបជាមួយថ្នាក់ដឹកនាំការពារជាតិរបស់ឡាវនៅថ្ងៃនេះ ។

សម្តេចតេជោ បានបញ្ជាក់ក្នុងសំណេរទាំងស្រុងថា : «ហ៊ុន ម៉ាណែតទើបបញ្ចប់ទស្សនកិច្ចនៅឡាវដែលទទួលត្រួតពលដោយនាយអគ្គសេនាធិការកងទ័ពឡាវ។ ក្រៅពីនេះ ហ៊ុន ម៉ាណែត ត្រូវបានទទួលដោយឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ នាយករដ្ឋមន្ត្រីនិងដោយប្រធានាធិបតីឡាវថែមទៀត។» 

សម្តេចតេជោបន្តថា «តើអស់លោកអ្នកវិភាគយល់យ៉ាងណាដែរក្នុងទស្សនកិច្ចហ៊ុន ម៉ាណែតទៅឡាវលើកនេះ?។ដោយលើកមុនខ្ញុំមិនបានជំរាបអស់ខ្ញុំសូមជំរាបបន្ថែមថាកាលពីហ៊ុន ម៉ាណែតទស្សនកិច្ចនៅជប៉ុននាដើមឆ្នាំ២០២២នេះមិត្តជប៉ុនរបស់យើងបានបញ្ជូនយន្តហោះមកទទួលហ៊ុន ម៉ាណែតពីកម្ពុជាទៅជប៉ុននិងជូនពីជប៉ុនមកដល់កម្ពុជាវិញព្រោះពេលនោះគ្មានជើងហោះហើរទេដោយសារកូវីដ១៩។ តើអ្នកវិភាគមានយោបល់យ៉ាងណាដែរព្រោះខ្ញុំចង់ដឹង។នេះមិនមែនជាពាក្យចាក់

ដោតទេតែជាការចង់យល់តែប៉ុណ្ណោះ៕»