ភ្នំពេញ៖ នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ អនុប្រធាន​គណៈកម្មាធិការ​ជាតិប្រយុទ្ធប្រឆាំងអំពើជួញដូរមនុស្ស ​បានធ្វើការជំរុញដល់ភាគីពាក់ព័ន្ធទាំងអស់ ត្រូវតែ​បង្កើនសកម្មភាពបន្ថែមទៀតក្នុងកិច្ចការប្រយុទ្ធប្រឆាំងការជួញដូរមនុស្ស។

ថ្លែងប្រាប់អ្នកសារព័ត៌មានក្រោយបញ្ចប់កិច្ចប្រជុំ ស្តីពីការប្រយុទ្ធប្រឆាំងការជួញដូរមនុស្ស ជួញដូរ​ពលកម្ម និងអាជីវកម្មផ្លូវភេទ ដែលដឹកនាំដោយនាយឧត្តមសេនីយ៍ នេត សាវឿន នាព្រឹកថ្ងៃទី២ ខែ កញ្ញា ឆ្នាំ២០២២នេះ ឯកឧត្តមឧត្តមសេនីយ៍ឯក ឆាយ គឹមឃឿន អគ្គស្នងការរង និង​ជាអ្នក​នាំពាក្យរបស់អគ្គស្នងការដ្ឋាននគរបាលជាតិ បាន​លើក​ឡើង​ថា នៅក្នុងកិច្ចប្រនេះ​ឯកឧត្តម នាយឧត្តមសេនីយ៍ នេត សាវឿន បានជំរុញឲ្យភាគីទាំងអស់ គប្បីយកចិត្តទុកដាក់បន្ថែមទៀត លើកិច្ចការទប់ស្កាត់បទល្មើសឆ្លងដែន ការជួញដូរមនុស្ស អាជីវកម្មផ្លូវភេទ​ និងបញ្ហាជាច្រើនទៀត៕

អត្ថបទ៖ បាន ចក់