ភ្នំពេញ៖ របាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយ បានបង្ហាញថា នៅក្នុងខែសីហា ឆ្នាំ២០២២ ​ មនុស្សរងគ្រោះស្លាប់ដោយសារទឹកជំនន់មាន ៩នាក់ ប្រជាពលរដ្ឋរងគ្រោះមានចំនួនជាង ២ម៉ឺនគ្រួសារ គិតជាចំនួនពលរដ្ឋមានជាង ៨ម៉ឺននាក់ លំនៅឋាន​លិចទឹក​មានជាង ៣ពាន់ខ្នង ​និងបង្កផលប៉ះពាល់ដល់ដំណាំផ្សេងៗទៀតជាដើម។

នេះបើយោងតាមរបាយការណ៍ ក្នុង​កិច្ចប្រជុំបូកសរុបលទ្ធផលការងារគ្រប់គ្រងគ្រោះមហន្តរាយ​ក្នុង​ខែសីហា ឆ្នាំ២០២២​ និងលើក​ទិសដៅ​បន្តនៅខែកញ្ញា ឆ្នាំ២០២២ ​នៅរសៀលថ្ងៃទី២ខែកញ្ញានេះ នៅ​ទីស្នាក់ការកណ្តាលគណៈកម្មាធិការជាតិគ្រប់គ្រងគ្រោះមហន្តរាយ ក្រោមអធិបតីភាព​ឯកឧត្តម ទេសរដ្ឋមន្រ្តី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ។