Manchester City និង Dortmund ត្រៀម​ជួប​គ្នា​យប់​នេះ​វគ្គ ៨​ក្រុម​ចុងក្រោយ​ជើង​ទី​១

Manchester City និង Dortmund ត្រៀមជួបគ្នាយប់នេះវគ្គ ៨ក្រុមចុងក្រោយជើងទី១

បាល់ទាត់៖ ក្រុមអង់គ្លេស Manchester City កំពុងហ្វឹកហាត់ជុំគ្នាថ្ងៃចន្ទម្សិលមិញ ជាកិច្ចត្រៀមខ្លួនជួបក្រុមភ្ញៀវអាល្លឺម៉ង់ Borussia Dortmund ជើងទី១ វគ្គ ៨ក្រុមចុងក្រោយ UEFA Champions League។ ក្រុមរបស់លោក Pep Guardiola នៅតែមានឱកាសដណ្ដើមពាន ៤ ក្នុងមួយរដូវកាលនៅឡើយដែលរួមមាន English Premier League កំពុងនាំមុខគេដាច់ ១៤ពិន្ទុ, FA Cup នៅវគ្គពាក់កណ្ដាលផ្ដាច់ព្រ័ត្រជួប Chelsea, Carabao Cup វគ្គផ្ដាច់ព្រ័ត្រជួប Tottenham Hotspur និងនៅ UEFA Champions League នេះ។

មុនមកដល់វគ្គនេះ Manchester City ទើបតែទម្លាក់ក្រុមអាល្លឺម៉ង់ Borussia Monchengladbach សរុបទាំងពីរជើង ៤-០ នៅវគ្គ ១៦ក្រុមចុងក្រោយ។ ក្រុមរបស់លោក Pep Guardiola មិនមានបញ្ហារបួសអ្វីឡើយមុនជំនួបរាត្រីនេះនៅទឹកដី Etihad របស់ខ្លួន តែ Joao Cancelo និង Fernandinho អាចនឹងអវត្តមាននៅជើងទី២ ប្រសិនទទួលបានកាតលឿងរាត្រីនេះ។ Manchester City ចាញ់តែ ១ប្រកួតគត់ក្នុង ២៧ប្រកួតចុងក្រោយគ្រប់ការក្របខណ្ឌ ហើយធ្លាប់មានប្រវត្តិជាប់គ្នានៅវគ្គវិលជុំក្នុងពូលកាលពីឆ្នាំ២០១២ ដោយជើងទី១ នៅទឹកដីអាល្លឺម៉ង់ Dortmund ឈ្នះ ១-០ និងជើងទី២ នៅទឹកដី Manchester City ស្មើគ្នា ១-១។ ងាកមកមើលការត្រៀមខ្លួនរបស់ក្រុមភ្ញៀវ Dortmund វិញ ពួកគេក៏គ្មានបញ្ហារបួសកីឡាករដែរ ជាពិសេសខ្សែប្រយុទ្ធជួរមុខ Erling Haaland។

ខ្សែប្រយុទ្ធណ័រវេយ Erling Haaland កំពុងត្រូវបានក្រុមធំៗនៅអឺរ៉ុបចង់បាន ដែលបូករួមទាំង Manchester City នេះផងដែរ រំពឹងថានឹងអាចយក Haaland មកជំនួស Aguero ដែលនឹងចាកចេញចុងរដូវកាលនេះ។ ដោយឡែកសំរាប់ស្ថានភាពទូទាំងរបស់ Dortmund វិញមុនមកជួប Manchester City យប់នេះ ទើបតែចាញ់ Frankfurt កាលពីថ្ងៃសៅរ៍ដែលធ្វើឲ្យឱកាសបង្ហាញខ្លួននៅ Champions League រដូវកាលកាន់លំបាកដោយកំពុងឈរលេខ៥ ក្នុងតារាង បន្ទាប់ពីឈ្នះតែ ១ប្រកួតគត់ក្នុង ៤ប្រកួតចុងក្រោយក្នុងលីគ៕

អត្ថបទ៖នាង សុភាវុធ

អត្ថបទដែលទាក់ទង

កម្ពុជា ជួបសិង្ហបុរី បើកឆាកខួប ៣០ឆ្នាំ នៃពានបាល់ទាត់អាស៊ាន ម៉ោង ៧យប់នេះ នៅស្ដាតមរតកតេជោ

SEA V.Cup៖ ភាគរយខ្ពស់ កម្ពុជា ត្រូវជួបថៃ នៅវគ្គពាក់កណ្ដាលផ្ដាច់ព្រ័ត្រជាថ្មី ក្រោយយកឈ្នះហ្វីលីពីន ៣-០សិត

MLS បើកការស៊ើបអង្កេតលើ Inter Miami ជុំវិញការចោទប្រកាន់ថាបានទាក់ទង Casemiro ដោយមិនគោរពបទប្បញ្ញត្តិ

បណ្ដាញសង្គម

ព័ត៌មានចុងក្រោយ

កិច្ចសម្ភាសន៍ជាមួយ Bloomberg៖ សម្តេចធិបតី ហ៊ុន ម៉ាណែត បង្ហាញការប្តេជ្ញាបង្កើនការបង្ក្រាបបណ្តាញឆបោកតាមអនឡាញ

កម្ពុជាទទូចឱ្យអង្គការសហប្រជាជាតិ (អ.ស.ប.) ចាត់វិធានការឱ្យកាន់តែខ្លាំងលើការដោះស្រាយជម្លោះដោយសន្តិវិធី

[UPDATE] ចំនួនអ្នកស្លាប់ដោយសារបំណាក់ដីកើនឡើងដល់ជាង១០នាក់នៅភាគនិរតីប្រទេសចិន និង៥០ នាក់នៅតែបាត់ខ្លួន

រដ្ឋមន្ត្រីការពារជាតិអ៊ុយក្រែន ដែលត្រូវបានបណ្តេញចេញ ជំរុញសម្រាប់ការវិលត្រឡប់វិញ

ព័ត៌មានពេញនិយម

ក្រសួងអប់រំនឹងពិនិត្យលើកពេលប្រឡងបាក់ឌុបទៅដើមឆ្នាំ២០២២

ក្រុមក្មេងទំនើង ០៤នាក់ប្រើដាវ និងពូថៅបង្កហិង្សា ត្រូវតុលាការចោទប្រកាន់ពីបទ « ហិង្សា និងប៉ុនប៉ងឃាតកម្ម »

សម្ដេចតេជោ ហ៊ុន សែន ប្រកាសពីការចាប់ខ្លួនបុរសម្នាក់មានTikTok ឈ្មោះ «ហ៊ៅ អ៊ូខុង» ដែលផ្សព្វផ្សាយបំពុលព័ត៌មាន

សមត្ថកិច្ចខេត្តឧត្តរមានជ័យ ចុះធ្វើការស្រាវជ្រាវឃាត់ខ្លួនជនសង្ស័យចំនួន៣នាក់ លើករណីរំលោភសម្លាប់ នៅសង្កាត់អូរស្មាច់

សាលារដ្ឋចាប់ផ្ដើមផ្លាស់ប្ដូរទៅសិក្សាពេញមួយថ្ងៃដោយបង្រៀនថែមទាំងកំព្យូទ័រ និងភាសាអង់គ្លេស

ព័ត៌មានវីដេអូ

ក្រោយសង្រ្គាមរយៈពេលរាប់ទសវត្សរ៍ជាមួយរបបអ៊ីរ៉ង់ ក្រុមឃឺដមើលឃើញជ័យជំនះកាន់តែខិតជិតមកដល់

រុស្ស៊ី បាញ់មីស៊ីលលើក្រុង Kharkiv បន្ទាប់ពីអ៊ុយក្រែន វាយប្រហារយានដ្រូនដ៏ធំលើរុស្ស៊ី

ចិនជំរុញឲ្យសហរដ្ឋអាមេរិកគោរពការប្តេជ្ញាចិត្ត និងឈប់ផ្ដល់អាវុធដល់កោះតៃវ៉ាន់

កម្មករ និយោជិតនៅភ្នំពេញជិតពីរម៉ឺននាក់ នឹងជួបសម្ដេចតេជោនៅព្រឹកស្អែក

រដ្ឋសភាបានបោះឆ្នោត ផ្តល់សេចក្តីទុកចិត្ត ឯកឧត្តម ឌិត ទីណា ជារដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

Manchester City និង Dortmund ត្រៀមជួបគ្នាយប់នេះវគ្គ ៨ក្រុមចុងក្រោយជើងទី១