ភ្នំពេញ ៖ តុលាការបានសម្រេចលើកពេលសវនាការ លើសំណុំរឿងលោក ឌួង ងៀប ទៅថ្ងៃទី២៩ ខែកញ្ញា ឆ្នាំ២០២២ ខាងមុខបន្តទៀត ដោយមូលហេតុអវត្តមានមេធាវីការពារក្តីឲ្យជនជាប់ចោទ។

ជាក់ស្ដែងនៅព្រឹកថ្ងៃទី០៦ ខែកញ្ញា ឆ្នាំ២០២២ តុលាការលើកយកមកបើកសវនាការនេះ ដែលជាសវនាការលើកទី២ បន្ទាប់ពីលើកទី១ អវត្តមានជនជាប់ចោទ។ ប៉ុន្តែលើកទី២នេះក៏ត្រូវបានលើកពេលទៀត ដោយមានវត្តមានជនជាប់ចោទ ឌួង ងៀប តែអវត្តមានមេធាវីការពារក្តីជនជាប់ចោទវិញ ក្នុងនោះតុលាការក៏បានសម្រេចចាត់តាំងមេធាវីជំនួស ដើម្បីឲ្យបាន​ដំណើរជំនុំជម្រះសួរដេញដោល មិនចង់អូសបន្លាយពេលទៅមុខទៀត។ ប៉ុន្តែជនជាប់ចោទ ឌួង ងៀប ទទួចមិនទទួលយក មេធាវី ដែលតុលាការចាត់ឲ្យនោះទេ ហើយបានស្នើសុំឲ្យតុលាការលើកពេលទៅថ្ងៃទី២៩ ខែកញ្ញា បន្តទៀត បើដល់ពេលហើយនោះ អវត្តមានមេធាវីការពារដោយអណត្តិ ជនជាប់ចោទសម្រេចទទួលយកមេធាវី​ចាត់តាំងរបស់តុលាការ​ដោយបញ្ឈប់ការសុំពន្យាពេលបន្តទៀតហើយ។

ក្នុងសាលជំនុំជម្រះលេខ៣ នៅព្រឹកថ្ងៃទី៦ ខែកញ្ញា ឆ្នាំ២០២២ លោក ស៊ិន វណ្ណរត្ន័ ប្រធានក្រុមប្រឹក្សាជំនុំជម្រះ នៃសាលាដំបូង​រាជធានីភ្នំពេញ ព្រមានចំៗ ទៅមន្រ្តីពន្ធនាគាររាជធានីភ្នំពេញPJ ថា លោកនឹងដាក់លិខិតទៅកាន់ក្រសួងមហាផ្ទៃ អគ្គនាយកដ្ឋានពន្ធនាគារ ប្ញស្ថាប័នពាក់ព័ន្ធ ប្រសិនបើមានជាលើកទី៣ ក្នុងករណីអវត្តមានជនត្រូវចោទ ឌួង ងៀប ជាមួយនិងការមិនព្រមទទួលយកការជនុំជម្រះ ការមិនព្រមស្លៀកពាក់ដូចជនត្រូវចោទ ទង្វើនេះខុសពីគោលការគ្រប់គ្រង​របស់ពន្ធនាគារ និងមិនស្មើភាពគ្នាចំពោះមុខច្បាប់សម្រាប់ជនជាប់ចោទដ៏ទៃទៀត។

គួរបញ្ចាក់ផងដែរ កាលពីនៅព្រឹកថ្ងៃទី៣០ ខែសីហា ឆ្នាំ២០២២ កន្លងទៅនេះ ចៅក្រមស៉ើបសួរនៃ​អយ្យការអមសាលាដំបូង​រាជធានីភ្នំពេញ បានបើកការស៉ើបសួរជំនំជំរះ តែ លោក ឌួង ងៀប ពុំឃើញមានវត្តមានចូលក្នុងសេវនាការឡើយ។ មានតែភាគី ជនជាតិតៃវ៉ាន ជាជនរងគ្រោះ ចូលរួមក្នុងសវនាការជំនុំជំរះនេះ។

ជនរងគ្រោះ មានឈ្មោះ CHIH YU បានឲ្យដឹងថាពាក់ព័ន្ធលុយចំនួន ជាង ៧ លាន ដុល្លារនេះ គឺលោក ជាដៃគូជំនួញ ជាមួយលោក ឌួង ងៀប ដោយក្រុមហ៊ុនមានការសហការគ្នា ជាយូមកហើយ ស្រាប់តែលោក ឌួង ងៀប បានឆបោក ជនរងគ្រោះ ពាក់ព័ន្ធករណីក្លែង អត្តសញ្ញាណប័ណ្ណឲ្យចិនច្រើននាក់ និង ក្លែងលក់ដីខ្យល់ ដោយយកបានលុយ ច្រើនលានដុល្លារ ។ កន្លងមក លោក ឌួង ងៀប ក៏ធ្លាប់បានចេញ ដែលជាទឹកចំនួន ឲ្យមកជនរងគ្រោះវិញផងដែរ តែជាសែកស្អុយ មិនមានទឹកប្រាក់ឡើយ។

ជាចុងក្រោយ ជនរងគ្រោះ ជាដើមចោទ សំណូមពរ ដល់អាជ្ញាធរពាក់ព័ន្ធ ជាពិសេសស្ថាប័ន តុលាការ ជួយរកយុតិធម៌​សម្រាប់ជនរងគ្រោះផង ដោយជាក់ស្ដែង សម្បីថ្ងៃបើកសេវនាការជំនំជំរះ លោក ឌួង ងៀប មិនមានវត្តនោះឡើយ ហើយបើមានវត្តមាន បែរជាសុំពន្យាពេល។ ពាក់ព័ន្ធករណីនេះ ភ្នាក់ងារសារព័ត៌មាន BTV ពុំមានប្រភពណាអាចបញ្ជាក់ពីលោក ឌួង ងៀប បានឡើយ៕​ អត្ថបទ​ ៖ កុម្ភះ