ភ្នំពេញ៖ សម្តេចតេជោ ហ៊ុន សែន នាយកយករដ្ឋមន្ត្រី បានដឹកនាំប្រតិភូជាន់ខ្ពស់ នៃរាជរដ្ឋាភិបាលកម្ពុជា គោរពព្រះវិញ្ញាណក្ខន្ធ ព្រះមហាក្សត្រីយ៍ អេលីហ្សាប៊ែត ទី២ នៃចក្រភពអង់គ្លេស ដែលបានសោយទីវង្គត កាលពីថ្ងៃទី០៨ ខែកញ្ញា ឆ្នាំ២០២២ នៅព្រះរាជដំណាក់ បលម៉ូរ៉ល ទីក្រុងឡុងដ៍ ចក្រភអង់គ្លេស។

សម្តេចតេជោ ហ៊ុន សែន បានសម្តែងសមានទុក្ខដ៏ក្រៀមក្រំ នៅពេលទទួលដំណឹង នៃការយាងសោយព្រះទីវង្គតរបស់ព្រះមហាក្សត្រីយ៍ អេលីហ្សាប៊ែត ទី២ ដែលជាការបាត់បងដ៏មហិមា មិនត្រឹមតែចក្រភពអង់គ្លេស និងបណ្តាប្រទេស កំមិនវែលប៉ុណ្ណោះទេ តែជាការបាត់ចំពោះពិភពលោក ទាំងមូលផងដែរ។

ខ្លឹមសារសម្តេចតេជោ ហ៊ុន សែន បញ្ជាក់ថា “ក្នុងរាជរដ្ឋាភិបាល និងប្រជាជនកម្ពុជា ខ្ញុំសូមសម្តែងសមានទុក្ខដ៏ក្រៀមក្រំជាមួយរាជរដ្ឋាភិបាល និងប្រជាជនចក្រភពអង់គ្លេស ជាពិសេសជាមួយព្រះរាជវង្សានុវង្សរបស់ទ្រង់ ចំពោះការបាត់បង់ដ៏ធំធេងនេះ”៕