​អង់គ្លេស៖ ប្រភព​រដ្ឋាភិបាល​បាន​និយាយ​ថា ប្រទេស​រុស្ស៊ី និង​បេឡា​រុសមិន​ត្រូវបាន​អញ្ជើញ​ឱ្យ​ចូលរួម​ក្នុង​ពិធីបុណ្យ​ព្រះ​សព​រដ្ឋ​របស់​ម្ចាស់​ក្ស​ត្រី Elizabeth នៅ​ថ្ងៃ​ចន្ទ​សប្តាហ៍​ក្រោយ ដែល​នឹង​ឃើញ​ព្រះមហាក្សត្រ ព្រះមហាក្សត្រី ប្រមុខរដ្ឋ និង​ភ្ញៀវ​សំខាន់ៗ​ច្រើនជាង ១០០អង្គ​នាក់មក​ចូលរួម​។​

​ប្រទេស​ទាំង២ នឹង​ពុំមាន​តំណាង​នៅក្នុង​ពិធី​នៅ​ទីក្រុង​ឡុង​ដ៍​ឡើយ បន្ទាប់ពី​ការវាយលុក​របស់​រុស្ស៊ី​លើ​អ៊ុយ​ក្រែ​ន ដោយ​ដាក់​ប្រទេស​ទាំង២ ​ក្នុងចំណោម​ក្រុម​តូច​មួយ​នៃ​ប្រទេស​ដែល​ត្រូវបាន​ដកចេញ​។​ ​ប្រភព​បាន​និយាយថា សហភាព​មី​យ៉ាន់​ម៉ា​ដែល​គ្រប់គ្រង​ដោយ​យោធា ជា​អតីត​អាណានិគម​អង់គ្លេសក៏​មិន​ត្រូវបាន​អញ្ជើញ​ផងដែរ​។​ ពិធី​បុណ្យ​ព្រះ​សព​របស់​ម្ចាស់​ក្ស​ត្រី Elizabeth II នៅ​ព្រះវិហារ Westminster Abbey នៅ​សប្តាហ៍​ក្រោយត្រូវបាន​កំណត់​ថា​ ជា​ព្រឹត្តិការណ៍​ការទូត​ដ៏​ធំ​មួយដែល​មានការ​ប្រឈម​ផ្នែក​សន្តិសុខ និង​ពិធីការ​សម្រាប់​អ្នករៀបចំ​នៅ​រាជវាំង Buckingham និង​នៅក្នុង​រដ្ឋាភិបាល​អង់គ្លេស​។​

​ប្រធានាធិបតី​សហរដ្ឋអាមេរិកលោក Joe Biden បាន​បញ្ជាក់ថា លោក​នឹងចូលរួម។ ឯកសារ​ផែន​ការដែល​បែកធ្លាយនៅក្នុង​សប្តាហ៍​នេះ​បាន​និយាយថា​ មេដឹកនាំ​ផ្សេងទៀត​នឹងត្រូវ​ជិះ​រថយន្តក្រុង​ទៅកាន់​ព្រះវិហារ Westminster Abbey៕​

អត្ថបទ៖ ប៊ុនថន