​បាល់ទាត់៖ ក្រុម​តោ​ខៀវ Chelsea នឹង​ធ្វើ​ដំណើរ​ទៅ​ទឹកដី​អេ​ស្ប៉ា​ញ​កីឡដ្ឋាន​របស់​ក្លិប​ Sevilla ក្នុង​ជំនួប​ជើង​ទី១ វគ្គ ៨ក្រុម​ចុងក្រោយ UEFA Champions League ទល់នឹង​ក្រុម​ព័រទុយហ្កាល់ FC Porto​។​

​​មុន​ការប្រកួត​នេះ​មកដល់ Chelsea បាន​ស្គាល់​រសជាតិ​ចាញ់​លើកដំបូង​ក្នុង ១៥ប្រកួត​ក្រោម​ការដឹកនាំ​របស់​អ្នកចាត់ការ​ថ្មី Tomas Tuchel ដែល​មក​ជំនួប Frank Lampard ដោយ​ចាញ់​ក្នុង​ទឹកដី​ខ្លួនឯង​ទៅទៀត​ ក្រោម​ថ្វី​ជើង​ក្រុម​ដែល​កំពុង​ដុនដាប​នៅ​តំបន់​គ្រោះថ្នាក់ West Bromwich Albion ៥-២​។​ ​​ក្រុម​របស់លោក Tuchel កំពុង​ព្យាយាម​ងើប​ខ្លួន​ពី​បរាជ័យ​មិនគួរ​ឲ្យ​ជឿ​នៅ Stamford Bridge កាលពី​ថ្ងៃ​សៅរ៍​នោះ ខណៈ​កីឡាករ​អាមេរិក Christian Pulisic បានធ្វើ​ដំណើរ​រួច​ក្រុម​ទៅកាន់​ទឹកដី​អេ​ស្ប៉ា​ញ​ផងដែរ​។ ​​អតីត​អ្នកចាត់ការ Dortmund និង PSG រូបនេះ​បាន​និយាយថា Chelsea ត្រូវបាន West Brom ទះ​មួយ​កំផ្លៀង តែ​ជាការ​ចងចាំ​របស់​ក្រុម​ដើម្បី​ស្វែងរក​ជ័យជំនះ​ត្រលប់​មកវិញ​។

​​Chelsea ហាក់​មិនមាន​បញ្ហា​របួស​ឡើយ ខណៈ​ខ្សែបំរើ​បារាំង N’Golo Kante វិល​មកវិញ​ក្រោយ​របួស​សរសៃ​ពួរ តែ​ប្រហែល​បាន​ត្រឹម​អង្គុយ​កៅអី​បម្រុង​។​ ​​ចំណែក FC Porto ដែល​ឡើង​មកដល់​វគ្គ​នេះ​ដោយ​ទំលាក់ Juventus នោះ នឹង​មិនមាន​វត្តមាន​ខ្សែប្រយុទ្ធ​អ៊ីរ៉ង់ Mehdi Taremi ឡើយ​ដែល​ទទួលបាន​កាត​ក្រហម​ពេល​ឈ្នះ Juventus នោះ រួមជាមួយ Sergio Oliveira ក៏​ជាប់​ពិន័យដែរ​៕

​អត្ថបទ​៖​នាង សុភា​វុ​ធ