ប៉ាគីស្ថាន៖ គណៈកម្មាធិការសង្គ្រោះអន្តរជាតិបានប្រកាសថា តារាភាពយន្តហូលីវូដ និងជាសកម្មជន នាង Angelina Jolie នឹងធ្វើទស្សនកិច្ចនៅប្រទេសប៉ាគីស្ថានដើម្បីជួយទាក់ទាញចំណាប់អន្តរជាតិ ចំពោះវិបត្តិមនុស្សធម៌ដែលកំពុងញាំញីនៅក្នុងប្រទេសនេះ។
មនុស្សជាង ១,៥០០នាក់បានបាត់បង់ជីវិតរួចទៅហើយ ហើយត្រូវបានប៉ាន់ប្រមាណថា ប្រជាជនចំនួន ៣៣លាននាក់រងផលប៉ះពាល់ដោយភ្លៀងមូសុងក្នុងកំណត់ត្រា ដែលបានជន់លិចមួយភាគបីនៃប្រទេសប៉ាគីស្ថានទាំងមូល ខណៈបង្កើនការព្រួយបារម្ភពីជំងឺបណ្តាលមកពីទឹកកខ្វក់ ដូចជាជំងឺអាសន្នរោគ និងជំងឺគ្រុនឈាម។
អង្គការ UNICEF និយាយថា កុមារប្រមាណ ៣.៤លាននាក់កំពុងត្រូវការជំនួយសង្គ្រោះជីវិត និងជំនួយបន្ទាន់ ខណៈប្រហែល ៧០% នៃដំណាំចម្បងរបស់ប្រទេសប៉ាគីស្ថានត្រូវបានបំផ្លាញ ហើយអ្នកជំងឺប្រចាំថ្ងៃរាប់ពាន់នាក់ត្រូវបានកត់ត្រា ដោយការចំណាយសរុបនៃការស្តារឡើងវិញត្រូវបានគេសន្និដ្ឋានថា មានចំនួន ៣០ពាន់លានដុល្លារ៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
