អន្ដរជាតិ៖ អ៊ុយក្រែន បានប្រកាសឲ្យដឹងពីការដោះដូរឈ្លើយសឹកនៅព្រឹកថ្ងៃព្រហស្បតិ៍នេះ ក្រោយកិច្ចខិតខំអស់រយៈ​ពេលជាច្រើនខែក្នុងការដោះលែងក្រុមអ្នកប្រយុទ្ធអ៊ុយក្រែនទាំងនេះ ដែលបានការពាររោងចក្រដែកថែប​នៅទីក្រុង Mariupol អំឡុងការឡោមព័ទ្ធដ៏យូររបស់ទាហានរុស្ស៊ី។

ក្រសួងការពារជាតិអ៊ុយក្រែន បានចែករំលែករូបភាពវីដេអូឃ្លីប ឃើញអតីតអ្នកទោស ទទួលបានការស្វាគមន៍មកកាន់មាតុប្រទេសរបស់ពួកគេវិញ ក្រោយការដោះដូរឈ្លើយសឹក ប៉ុន្តែទីតាំង ឬអត្តសញ្ញាណទាហានទាំងនេះ មិនត្រូវបានផ្តល់នោះទេ៕