ភ្នំពេញ៖ មន្ត្រីថ្នាក់ដឹកនាំស្ថានទូតជប៉ុននៅប្រចាំនៅកម្ពុជា និងបណ្តាភ្ញៀវបរទេសនានាទៀត ដែលកំពុងស្នាក់នៅបំពេញការងារនានានៅកម្ពុជា អញ្ជើញទៅវត្តនានាក្នុងរាជធានីភ្នំពេញ ដើម្បីធ្វើបុណ្យកាន់បិណ្ឌជាមួយបណ្តាប្រជាពុទ្ធបរិស័ទជាហូរហែរនៅក្នុងរយៈពេល១៥ថ្ងៃនេះ។

ឯកឧត្តម មិកាមិ ម៉ាសាហ៊ីរ៉ូ ឯកអគ្គរាជទូតវិសាមញ្ញនិងពេញសមត្ថភាពជប៉ុនប្រចាំនៅកម្ពុជា ក៏ដូចបណ្តាភ្ញៀវបរទេសនានាទៀតនៅកម្ពុជា ​បានថ្លែងថា​ ជារៀងរាល់ឆ្នាំ ស្ថានទូតតែងតែ​រៀបចំ​អាហារចង្ហាន់ និងគ្រឿង​ទ័យទាន​នានាអញ្ជើញទៅវត្តជាមួយនឹងប្រជាពុទ្ធបរិស័ទខ្មែរ ដើម្បី​ធ្វើបុណ្យឧទ្ទិសកុសលជូន​ញ្ញាតិការ​ ជូនដូនជីតា ជាទីស្រឡាញ់ ដែលបានចែកឋានទៅលោកខាងមុខ។

ព្រះទស្សទានមុនី សួន តេង គង់នៅវត្តស្វាយអំពែ​ មានថេរដីការថា ក្នុងរយៈពេលប៉ុន្មាន​ថ្ងៃចុង​ក្រោយនេះ សំគាល់ឃើញថា មានភ្ញៀវបរទេសជាច្រើន ​បានស្នើសុំវត្តជាមុន ក្នុង​អញ្ជើញ​មក​ធ្វើបុណ្យកាន់បិណ្ឌ​ជាមួយ​ប្រជា​ពុទ្ធបរិស័ទខ្មែរ ​ដើម្បីធ្វើបុណ្យ​ឧទ្ទិសកុសល​ជូន​ជីដូនជីតា​របស់​គេផង និងចង់សិក្សាស្វែងយល់អនុវត្តដោយផ្ទាល់​អំពីរបៀបការធ្វើបុណ្យកាន់បិណ្ឌ និង​ភ្ជុំបិណ្ឌដែលជាពិធីបុណ្យដ៏ធំមួយរបស់ប្រទេសកម្ពុជា។

ព្រះទស្សទានមុនី សួន តេង មានថេរបន្តថា ​យ៉ាងណាងក៏ដោយនៅក្នុងវត្តស្វាយអំពែ ក៏ដូចជា​វត្ត​អារ៉ាមនានា​ទៀត​នៅទូទាំងប្រទេស គឺមានការទទួលស្វាគមន៍​ប្រកប​ដោយភាពរាក់ទាក់ទទួល​ភ្ញៀវបរទេសនានា មកធ្វើបុណ្យ​កាន់បិណ្ឌ ភ្ជុំបិណ្ឌ ​នៅតាមវត្ត ​ខណៈភ្ញៀវបរទេស​ទាំងនោះមិន​អាចធ្វើដំណើរទៅត្រឡប់ទៅប្រទេសដើមកំណើតវិញ ដើម្បីធ្វើបុណ្យតាមរបៀបដូចគ្នានេះ៕

អត្ថបទ ស៊ុម សុខជា