ភ្នំពេញ៖ បន្ទាប់ពីបានស្តេចយាងចាកចេញពីមាតុប្រទេស ដើម្បីទៅពិនិត្យព្រះរាជសុខភាព នៅសាធារ ណរដ្ឋប្រជាមានិតចិនតាំងពីថ្ងៃទី២១ខែសីហាមក ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្ដម មុនីនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដី ថ្លៃថ្នូរ និងសុភមង្គល ព្រះអង្គទាំងទ្វេបានសព្វព្រះរាជហឫទ័យ ស្ដេចយាងនិវត្តមកកម្ពុជាវិញហើយនៅរសៀលថ្ងៃទី២៩ ខែកញ្ញានេះ។​

ព្រះវត្តមាន វត្តមាន យាងនិងអញ្ជើញថ្វាយព្រះរាជដំណើរយាងនិវត្តន៍វិញរបស់ព្រះអង្គទាំងទ្វេ នៅអាកាសយានដ្ឋានអន្តរជាតិភ្នំពេញ មានវត្តមាន សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា សម្ដេចអគ្គមហាពញាចក្រី ហេង សំរិន ប្រធានរដ្ឋសភា សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី សម្តេចចៅហ្វាវាំង សម្តេចក្រឡាហោម ​ មន្ត្រីអ្នកមុខអ្នកការក្នុងជួររាជរដ្ឋាភិបាល ព្រមទាំងព្រះរាជវង្សានុវង្ស ឯកអគ្គរាជទូត រដ្ឋទូតនិងមន្ត្រីស្ថានទូតចិនប្រចាំនៅកម្ពុជាក៏មានវត្តមានថ្វាយព្រះរាជដំណើរស្តេចយាងនិវត្តន៍វិញផងដែរ។

ជារៀងរាល់៦ខែម្ដង ព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រ និងសម្ដេចព្រះមហាក្សត្រី នរោត្ដម មុនីនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល ព្រះអង្គទាំងទ្វេតែងតែបានស្តេចយាងទៅពិនិត្យព្រះរាជសុខភាព នៅប្រទេសចិនជាទៀ ងទាត់មិនដែលខានឡើយ។

ថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ គ្រប់ប្រភេទនិងប្រជារាស្ត្រខ្មែរ មានសេចក្តីត្រេកអររីក រាយឥតឧបមា ដែលព្រះអង្គទាំងទ្វេបានស្តេចយាងនិវត្តន៍មកកម្ពុជាវិញ ប្រកបដោយព្រះរាជសុខភាពល្អបរិបូរណ៍។ ថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធទាំង៣ប្រភេទនិងប្រជារាស្ត្រខ្មែរ បាន បួងសួងដល់ព្រះបារមីនៃព្រះមហាស្វេតច្ឆត្រវត្ថុស័ក្តិសិទ្ធិនៅក្នុងលោក ដួងព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រីខ្មែរគ្រប់ជំនាន់ ជាពិសេសដួងព្រះវិញ្ញាណក្ខន្ធ ព្រះបរមរតកោដ្ឋ សម្តេចតា សម្តេចតាទួត តាមជួយបីបាច់ថែរក្សាគ្រង ព្រះករុណាព្រះបាទ សម្ដេចព្រះបរមនាថ នរោត្ដម សីហមុនី ព្រះមហាក្សត្រនៃព្រះរាជាណាចក្រកម្ពុជា និងសម្ដេចព្រះមហាក្សត្រី នរោត្ដម មុនីនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គល សូមបន្តមានព្រះរាជសុខភាពល្អបរិ បូរណ៍ មានព្រះជន្មាយុយឺនយូរជាងរយព្រះវស្សា ដើម្បីបានស្តេចគង់ប្រថាប់ជាម្លប់ដ៏ត្រជាក់ត្រជុំសម្រាប់ប្រ ជារាស្ត្រខ្មែរ ជាកូន ជាចៅ បានជ្រកកោននិងរួមគ្នាបន្តកសាង អភិវឌ្ឍសង្គមកម្ពុជាឱ្យកាន់តែរីកច ម្រើនរុងរឿងលើគ្រប់វិស័យថែមមួយកំរិតទៀត។

សូមរម្លឹកផងដែរថា ក្នុងឱកាសស្តេចគង់ប្រថាប់ដើម្បីពិនិត្យព្រះរាជសុខភាពនៅប្រទេសចិន ថ្មីៗកន្លង មកនេះព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរនិងសុភមង្គល ក្នុងនិទាឃៈរដូវ នារដ្ឋធានីប៉េ

កាំង សម្តេចព្រះមហាក្សត្រី ជាទីគោរពសក្ការៈដ៏ខ្ពង់ខ្ពស់បំផុត ស្តេចសព្វព្រះហឫទ័យយាងទតតង្វាយដ៏វិសេសវិសាលរបស់ឯកឧត្តម Xi JinPing ប្រធានាធិបតី នៃសាធារណរដ្ឋប្រជាមានិតចិន និងលោកជំទាវ ហើយសម្ដេចទាំងទ្វេក៏ត្រូវបានការចូលក្រាបបង្គំគាល់ និងយកចិត្តទុកដាក់ដ៏ខ្ពង់ខ្ពស់ជាទីបំផុតពីសំណាក់ថ្នាក់ដឹកនាំដទៃទៀតនៃ ប្រទេសចិនផងដែរ៕​ដោយ៖ មុត សុទ្ធ