ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបង្ហាញមោទកភាពចំពោះវិធានការ នៃការការពារទប់ស្កាត់ការឆ្លងកូវីដ-១៩ ​ដែលនាំឱ្យពលរដ្ឋបានធ្វើបុណ្យធ្វើទានសប្បាយរីករាយ​នាឱកាស​បុណ្យភ្ជុំបិណ្ឌ​ បើទោះបីករណីឆ្លងនៅបន្តកើតមានខ្លះៗ ​ប៉ុន្តែអ្វីដែលព្រួយបារម្ភ គឺបញ្ហា​គ្រោះថ្នាក់ចរាចរណ៍ទៅវិញទេ។

សម្តេចតេជោ បានរម្លឹកដោយមោទនភាព​ ជុំវិញវិធានការនានាដែលរាជរដ្ឋាភិបាលបានខិតខំប្រឹង ប្រែង​ទប់ស្កាត់ការឆ្លងរាលដាលកូវីដ-១៩ ដែលនាំឱ្យពលរដ្ឋមានពេលវេលាបានធ្វើបុណ្យភ្ជុំបិណ្ឌ​និង​សប្បាយរីក ​រាយឡើងវិញនេះ ​ខណៈអញ្ជើញជាអធិបតីដ៏ខ្ពង់ខ្ពស់​ក្នុងពិធីប្រគល់សញ្ញាបត្រដល់​និស្សិតវិទ្យាស្ថានវ៉ាន់ដាជិត ៤ពាន់នាក់នៅមជ្ឈមណ្ឌលសន្និបាត​ និងពិព័រណ៍អន្តរជាតិ​ជ្រោយចង្វា​នាព្រឹកថ្ងៃទី៣តុលានេះ។សម្តេច បានលើកឡើងថា ការជួបជុំទទួលសញ្ញាបត្រនេះគឺជាលទ្ធផល​បន្ទាប់​ពីយើង​បានអាក់ខាន​អស់​រយៈពេល២ឆ្នាំកន្លងទៅ៕