ឧត្តរមានជ័យ៖ មន្រ្តីជំនាញមន្ទីរសាធារណការ និងដឹកជញ្ជូនខេត្តឧត្តរមានជ័យ ធ្វើការកែសម្រួលជួសជុលផ្លូវដែលរងការខូចខាតដោយសារទឹកភ្លៀង ត្រង់ចំណុចផ្លូវប្រសព្វរង្វង់មូលព្រះនរាយណ៍ចាក់ក្រាលបេតុងជំនួសកៅស៊ូ ដើម្បីធានាបានការធនជាប់រឹងមាំបានយូរ។
លោក ប៉ាង សំអាត អនុប្រធានមន្ទីរសាធារណការ និងដឹកជញ្ជូនខេត្តឧត្តរមានជ័យ និងជាមន្រ្តីជំនាញបច្ចេកទេសផ្លូវថ្នល់ បានឲ្យដឹងថា នៅចំណុចផ្លូវប្រសព្វត្រង់រង្វង់មូលព្រះនរាយណ៍ដោយកន្លងមកបានទទួលរងការខូចខាតជាញឹកញាប់ដោយសារមានរថយន្តធំៗគ្រប់ប្រភេទឆ្លងកាត់នៅចំណុចនេះ និងដោយសារមានភ្លៀងធ្លាក់ជោគជាំវាបណ្តាលឲ្យដកទឹកផងនោះធ្វើឲ្យផ្លូវថ្នល់មួយចំនួនបានរងការខូចខាតជាច្រើនកន្លែងក្នុងខេត្តពិបាកក្នុងការធ្វើដំណើរ។
លោក បន្តថា ដោយមើលឃើញពីបញ្ហាទាំងអស់នេះក្នុងនាមមន្ទីរដែលជាអ្នកមើលថែនោះបានសម្រេចចាក់ក្រាលផ្លូវប្រភេទបេតុងជំនួសផ្លូវកៅស៊ូវវិញ នៅជុំវិញបរិវេណរង្វង់មូលព្រះនរាយណ៍ ដើម្បីធនជាប់រឹងមាំបានយូរអង្វែងមិនប្រឈម និងរងការខូចខាតបន្តទៀត ងាយស្រួលដល់ការធ្វើដំណើររបស់ប្រជាពលរដ្ឋប្រកបដោយសុវត្ថិភាពផងដែរ ជាគម្រោងជួសជុលថវិកាថែទាំស្រុងរបស់រដ្ឋ៕