អនុរដ្ឋលេខាធិការទទួលបន្ទុកទីស្តីការគណៈរដ្ឋមន្រ្តីជប៉ុន លោក Seiji Kihara នៅថ្ងៃព្រហស្បតិ៍នេះ បានរៀបរាប់​ពី​សេចក្តីប្រកាសរបស់ក្រសួងការពារជាតិជប៉ុន ពាក់ព័ន្ធនឹងការបាញ់មីស៊ីលបាលីស្ទិក ២គ្រាប់របស់កូរ៉េខាងជើង  ហើយ​លោក​បានលើកឡើង​ពីការថ្កោលទោសរបស់ជប៉ុនចំពោះសកម្មភាពដ៏គគ្លើនបែបនេះ ខណៈ​ដែល​លោក​បង្ហាញ​ក្តីកង្វល់ពី​បច្ចេក​វិទ្យា​មីស៊ីលដ៏ជឿនលឿនរបស់ទីក្រុងព្យុងយ៉ាង និងលទ្ធភាពនៃការបាញ់សាកល្បង​អាវុធនុយក្លេអ៊ែរ នាពេលខាងមុខ។

លោក Kihara បាននិយាយប្រាប់ក្រុមអ្នកសារព័ត៌មាននៅទីក្រុងតូក្យូថា ពួកយើងគិតថា មាននូវលទ្ធភាពមួយដែល​កូរ៉េខាងជើង​នឹងបង្កើនសកម្មភាពបង្ករឿងរបស់ពួកគេ ដែលរួមទាំងការសាកល្បងអាវុធនុយក្លេអ៊ែរ៕