មន្រ្តីការទូតជប៉ុន និងរដ្ឋាភិបាលទីក្រុងតូក្យូ បាននិយាយនៅថ្ងៃព្រហស្បតិ៍នេះថា តុលា​ការ​យោ​ធាសហភាព​មីយ៉ាន់ម៉ា បានកាត់ទោសអ្នកសារព័ត៌មានជប៉ុនម្នាក់ គឺលោក Toru Kubota ឲ្យជាប់ពន្ធនាគាររយៈពេល ១០ឆ្នាំ ក្រោយរូប​លោក​ថត​សកម្មភាពធ្វើបាតុកម្មប្រឆាំងរដ្ឋាភិបាលកាលពីខែកក្កដា​កន្លងទៅ។   

លោក Tetsuo Kitada គឺជាអនុប្រធានបេសកកម្មរបស់ស្ថានទូតជប៉ុន បាននិយាយថា លោកKubota ត្រូវបាន​តុលាការ​យោធាមីយ៉ាន់ម៉ាកាត់ទោសឲ្យជាប់ពន្ធនាគាររយៈពេល ៧ឆ្នាំ​សម្រាប់ការបំពាន​ច្បាប់អន្តរការណ៍អេឡិកត្រូនិក និងកាត់ទោសឲ្យជាប់ពន្ធនាគាររយៈពេល ៣​ឆ្នាំ សម្រាប់បទញុះញង់ ៕