​រុស្ស៊ី៖ ទូរទស្សន៍​រដ្ឋ​រុស្ស៊ី​បាន​ចេញ​ផ្សាយ​វីដេអូ​ជា​អ្វី​ដែល​ខ្លួន​បាន​និយាយថា ជា​ការ​បណ្តុះបណ្តាល​ទាហាន​កេណ្ឌ​ថ្មីនៅក្នុង​តំបន់ Kherson។ វីដេអូ​នេះ​បង្ហាញ​ពី​សមយុទ្ធ​យោធា​នៅក្នុង​តំបន់​ទីក្រុង ខណៈក្រុម​ទាហាន​ហ្វឹកហាត់​បាន​រៀន​ពី​របៀប​ទប់ទល់ និង​កំទេច​គ្រឿងផ្ទុះ និង​ជីក​លេណដ្ឋាន​។​

​តំបន់ Kherson គឺជា​ដែនដី​មួយ​ក្នុងចំណោម​ដែនដី​របស់​អ៊ុយ​ក្រែ​ន​ទាំង៤ ​ដែល​ត្រូវបាន​ដាក់បញ្ចូល​ជា​ឧបសម្ព័ន្ធ​ទៅក្នុង​ប្រទេស​រុស្ស៊ី បន្ទាប់ពី​ការបោះឆ្នោត​ប្រជាមតិ​ដែល​រៀបចំ​ដោយ​វិមាន​ក្រឹម​ឡាំង ដែល​អ៊ុយ​ក្រែ​ន និង​ប្រទេស​លោកខាងលិច​បាន​ច្រានចោល​ថា ​មិន​ស្របច្បាប់​។ ព្រំដែន​ត្រឹមត្រូវ​នៃ​តំបន់​ដែល​ក្រុង​មូ​ស្គូ​កំពុង​អះអាង​នៅតែ​មិន​ច្បាស់លាស់ ប៉ុន្តែ​ប្រធានាធិបតី​រុស្ស៊ីលោក វ្ល៉ា​ឌី​មៀ ពូ​ទីន បាន​ប្តេជ្ញា​ការពារ​ទឹកដី​រួមមាន​តំបន់ Donetsk, Kherson, Luhansk និង Zaporizhzhia របស់​អ៊ុយ​ក្រែ​នតាម​មធ្យោបាយ​របស់លោក​។​

​ប្រធានាធិបតី​រុស្ស៊ីលោក វ្ល៉ា​ឌី​មៀ ពូ​ទីន បាន​និយាយថា ស្ថានភាព​នៅក្នុង​ទឹកដី​ថ្មី​នឹងមាន​ស្ថិរភាព​។ ​ថ្លែង​ក្នុង​សុន្ទរក​ថា​តាម​ទូរទស្សន៍លោក​បាន​និយាយថា លោក​កំពុងធ្វើការ​លើ​ការ​សន្និដ្ឋានថា ស្ថានភាព​នឹងមាន​ស្ថិរភាព ដូច្នេះ​យើង​អាច​អភិវឌ្ឍ​ទឹកដី​ទាំងនោះ​យ៉ាង​ស្ងប់ស្ងាត់៕

អត្ថបទ៖ ប៊ុនថន