ភ្នំពេញ៖ កម្លាំងអគ្គនាយកដ្ឋានគយ និងរដ្ឋាករកម្ពុជាសហការជាមួយកម្លាំងកងរាជអាវុធ រាជធានី បានចុះឃាត់ម៉ូតូធំជាង ២០០គ្រឿងសង្ស័យអត់មានបង់ពន្ធត្រឹមត្រូវ និង​ដកហូតយកទៅរក្សាទុក​នៅអគ្គនាយគយទាំងអស់ ដើម្បីចាត់ការតាមនីតិវិធី។

ប្រតិបត្តិការនេះ បានធ្វើឡើងនៅព្រឹកថ្ងៃទី០៨ ខែតុលា ឆ្នាំ២០២២ នៅចំណុចស្ថានីយ​ប្រេងកាល់តិច ​តាមផ្លូវជាតិលេខ៦ ស្ថិតនៅភូមិដើមគរ ​សង្កាត់ ​ជ្រោយចង្វារ ខណ្ឌជ្រោយចង្វារ ។

យោងតាមនាយកដ្ឋានគយ បានប្រាប់ថា ការឃាត់ម៉ូតូជាង ២០០គ្រឿងដែលបងប្អូន​កំពុងតែ​ប្រមូលផ្ដុំគ្នា​នៅស្ថានីយប្រេង ​ដោយកម្លាំងជំនាញបានការត្រួតពិនិត្យប្រសិនម៉ូតូ​ណាមួយអត់​មានឯកសារបញ្ជាក់ម៉ូតូ ឬកាតគ្រី​ គឺត្រូវ​កម្លាំង​អគ្គនាយកដ្ឋានគយ​ប្រើ​រថយន្ត​ស្ទួចយក​រក្សា​ទុកជាបណ្ដោះអាសន្ន នៅអគ្គនាយកដ្ឋានគយ និងរដ្ឋាករកម្ពុជា ដើម្បីប្រើម៉ាស៊ីន អេឡិត្រូនិក​ដើម្បី​ពិនិត្យ​បាន​ចេញ​ម៉ាក​ម៉ូតូ​កម្លាំង​ម៉ាស៊ីន ​មិន​អាច​ពិនិត្យមើលលើភ្នែកយើងបានដឹងទេ។

ប្រភពព័ត៌មាន​ពីបុរស ម្នាក់ក្នុងចំណោម​ម៉ូតូជាង២០០គ្រឿង បានប្រាប់ថា យុវជនដែលប្រមូលផ្ដុំគ្នា​រងចាំគ្រប់ចំនួនធីម ឬក្រុម ហើយបាននាំគ្នាចេញដំណើរ​តាមផ្លូវជាតិលេខ ៦ទៅកាន់ខេត្តសៀមរាប ដែលតាមការណាត់ជួបក្នុង កម្មពិធី១ឆ្នាំម្ដង គឺការជួបជុំការស្រលាញ់ម៉ូតូធំ​នៅកម្ពុជា​ហើយ​ការ​ធ្វើ​ពិធីជួបជុំ១ឆ្នាំធ្វើម្ដង និងប្ដូរខេត្តជារៀងរាល់ឆ្នាំ៕ អត្ថបទ៖ កុម្ភៈ