ភ្នំពេញ៖ រាជរដ្ឋាភិបាលកម្ពុជា សមាគមរោងចក្រកាត់ដេរនៅកម្ពុជា និងអង្គការអន្តរជាតិខាងការងារ នៅរសៀលថ្ងៃទី១០ ខែតុលា ឆ្នាំ២០២២នេះ បានរៀបចំពិធី​ចុះហត្ថលេខា​អនុស្សរណៈ​នៃការ​យោគយល់គ្នា ស្តីពីកម្មវិធីគម្រោងរោងចក្រកាន់តែប្រសេីរនៅកម្ពុជាសម្រាប់ឆ្នាំ២០២៣-២០២៧។

សូមបញ្ជាក់ថា អនុស្សរណៈ នៃការយោគយល់គ្នាថ្មី សម្រាប់ឆ្នាំ២០២៣-២០២៧នេះ ជា​អនុស្សរណៈ​លើកទី៨ហើយ ដែលនឹងត្រូវចុះហត្ថលេខានាពេលនេះ បន្ទាប់ពីបានកែសម្រួលលក្ខខណ្ឌ​អនុវត្ត​គម្រោង​មួយចំនួន ដោយបន្ថែមរយៈពេលអនុវត្តពី៣ឆ្នាំ ទៅ ៥ឆ្នាំ ដើម្បីធានានូវនិរន្តរភាពរបស់គម្រោង និងនិមិត្តរូបនៃការគោរពលក្ខខណ្ឌការងារ ដែលជាការបញ្ជាក់នូវការប្តេជ្ញាចិត្តរបស់រាជរដ្ឋាភិបាលកម្ពុជា៕