បេឡារុស៖ យោងតាម​ទីភ្នាក់ងារសារព័ត៌មាន​រដ្ឋ​ Belta ប្រធានាធិបតី​​​បេឡារុស​ ​លោក Alexander Lukashenko ​បាននិយាយថា ​បេឡារុស និង​រុស្ស៊ី នឹង​ដាក់​ពង្រាយ​​កងកម្លាំង​​​យោធាពិសេស​ ​រួមគ្នា​​​ឆ្លើយតបទៅ​នឹង​​អ្វីដែលលោក​​ហៅថា​ ជាការ​បង្កើន​​​ភាព​តានតឹង​ នៅលើ​​​ព្រំដែន​ភាគ​ខាងលិច​​​របស់​ប្រទេសនេះ​ ។​

លោក​ Lukashenko ​បាននិយាយកាលពីថ្ងៃចន្ទ​ថា ​ប្រទេស​ទាំង២​ បានចាប់ផ្ដើម​​​​រួមកម្លាំង​​គ្នា​​​​២​ថ្ងៃមុន​ ​​ទំនង​ជា​​​​បន្ទាប់ពី​ការបំផ្ទុះ​​​​​ស្ពាន​​មួយ​ដែលតភ្ជាប់​ពី​រុស្ស៊ី​ទៅកាន់​ឧបទ្វីបគ្រីម៉េ​ ​ដែល​រុស្ស៊ី​បានដាក់​បញ្ចូល​ក្នុង​ឧបសម្ព័ន្ធ​កាលពី​ឆ្នាំ​ 2014 ។

សេចក្ដី​ប្រកាសនេះ មាន​ឡើង​​​​ ខណៈរុស្ស៊ីវាយប្រហារ​ដោយមីស៊ីលលើ​​ទីក្រុង​​ជាច្រើន​​​ទូទាំង​អ៊ុយក្រែន រួមទាំង​រដ្ឋធានី Kyiv ដែលជា​ការវាយប្រហារ​លើកដំបូង​ក្នុង​ពេលជាច្រើនខែមកនេះ។​

ទីភ្នាក់​ងារសារព័ត៌មាន​​ Belta ​បានដកស្រង់សម្ដី​របស់​​លោក​ Lukashenko ខណៈ​និយាយអំឡុង​កិច្ច​ប្រជុំជាមួយ​ក្រុមមន្ត្រី​សន្តិសុខ​​ ថា ​ខ្ញុំ​បាន​និយាយ​រួចមកហើយថា ថ្ងៃនេះ ប្រទេស​​អ៊ុយក្រែន​​ មិន​​ត្រឹម​តែជាប្រធានបទដែល​​ត្រូវ​​លើកយកមកពិភាក្សា​ទេ​​​ ​​ថែមទាំង​មាន​គម្រោង​វាយ​ប្រហារ​លើ​​​មកលើ​​​ដែនដី​របស់បេឡារុស​ទៀត​ផង ។

លោក​ពុំ​បាន​ផ្ដល់ភស្តុតាងណាមួយ​ចំពោះ​ការអះអាងនោះទេ។ម្ចាស់​របស់​ពួកគេ​​​កំពុង​​រុញ​​ពួកគេ ​ឲ្យចាប់ផ្ដើម​​សង្រ្គាម​​​ទល់​នឹង​បេឡារុស​ក្នុងការទាញ​​​យើង​ឲ្យ​ពាក់ព័ន្ធនៅ​ទីនោះ​។​ ​

​​លោក​ បាន​បន្ថែម​ថា ​យើង​បាន​​ព្រមព្រៀង​បញ្ជូន​​​កងកម្លាំង​ប្រមូល​ផ្ដុំ​ក្នុងតំបន់​នៃ​សហព័ន្ធរុស្ស៊ី និង​សាធារណរដ្ឋ​បេឡារុស​ ។ លោក​​ Lukashenko​ ពុំ​បាន​បញ្ជាក់​ច្បាស់​​ពី​ទីតាំង​ដែល​​ត្រូវ​បញ្ជូន​​ទាហាន​​ទៅនោះទេ៕សុខមាន